مساء الورد
اعتذر من كل متابعيني لكن ظرف خاص جبرني أتأخر
ونوهت وشرحته بالتعليقات مكدرت انزل ملاحظة لأن القصه انملت ملاحظات مو حلوه يوميه منزله رغم اعرف نفسي مقصره بس مو بيدي اكو مهم واكو اهم
شكرا الكل الي عذروني
......
گالو نامت مشتاقتلك ..؟!
عندك شي يمها نگللها ..! ؟
گتلهم ما مشتاقلها ..!
....
عززه بعينه منحرف هذا شأجاوبه
ظليت افكر اجاوب لو لا اخاف اجاوب ويتماده اخاف اغلس وياخذ راحته والله حيره ياربي
شويه ودزلي رساله
..سلامتج يابه متشوفين شر ولتجاوبين اعرف ماعدكم هيج واني هم مو ناقص بس مااعرف شنو الخلاني اراسلج
حذفت المحادثه وكلت همزين حس الظاهر عيشة الخارج مأثره عليه.. الجسم الترف والله ياربي خلاني اكابل مرايتي
طلعت من غرفتي ع خبصة امي وابهر وابويه يوصيهم الظاهر ميلاد عدها ولاده
ابهر فات من يمي وهو ينطي خبر مااعرف يفتهم من فرقد وين ياخذها وهي عد منو تراجع من الطبيبات حتى يحولوها عليها وهو مناك يروح وراهم
طلعت شفت ميلاد مبين متوجعه حيل وصوتها عالي هم رغم داتحاول تكتمه
رجفه صارت بيه اموت من الخوف والقلق من اشوف وحده داتجيب او اسمع حتى مااعرف ليش عندي فوبيا من هالموضوع اخذوها وطلعوو
نزلت اريج وبيدها فونها
..رؤى اگلج شي هذا رقم دايتصل عليه ومااعرف منو اشو لح ومن جاوبت ميرد اني خايفه اخاف احد يريد يسببلي مشكله واخوج بهذي المواضيع يقفل
..خل يولي لتجاوبي بس بلغي من يرجع يفتهم منج احسن
اتنفست وبتوتر كتلها
..اني هم عندي شي اريج عبدالله اخوج راسلني وكاتبلي هالشكل حجيتلها كلشي كالت اني احجي وياه لتهتمين
جاوبتها
.. لا لتحاجي هو اعتذر اساسا اخاف تحاجي ويكول مصدكت وسوت منه موضوع
..مراح يكول اعرفه اني بس هم براحتج لتهتمين
تفكيرنه بميلاد نسانه كلشي
ظلينه بخوف وقلق ومنتظرين بعد ساعات اجانه اتصال ابهر بلغنه ميلاد جابت ولد
ارتاحينه وجرينه نفس وانشغلنه بتجهيز الغرفه الها اكيد تبقى هنا نهتم بيها
اجونه متأخرين وفرقد طاير من الفرح وهي فرحانه رغم تعبها
وعرفنه مسمي رامي
امير حيل انزعج وبينت عليه علامات الغيره واحنه نراقبه نضحك عليه وبنفس الوقت مقهورين القهره
أنت تقرأ
عرين ألذكريات ذنبي
Romanceحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
