أستلمني الوالد
.. شوف بعينك من أكلك تتعب واتعبنه وعوف هالموضوع مدام بعدك ع البر تزعل وتعتبرني مامهتم وظالم واني تفكيري كله الك والمصلحتك شوف اخوك شوفه مرتاح حاس بفرحه لو وجهه تغيير لونه من القهر
بابا اني شعندي غيركم والله من اشوفكم مرتاحين من يمي افرح ضحكتكم هذي الي تضحكوها الاي سبب هي بهجه الروحي
بس اني عشت وشفت
واهلنا قبل يگولون اكل مر ولتعاشر مر
..يابه افديك بروحي والله اعرف كلشي اعرف بس شسوي المروره وياها عندي احلى من العسل
اتحمل كلشي والله
هي بس خل تصير الي
بعدين انت شفت بعينك فرقد جنت خايف منه وعليه وهسه هو الحمدلله مرتاح زوجته يمه وأختارته اله لأن عرفت طبعه وهو عودها عليه
مخسران شي هو!
المشاكل تصير بكل بيت وهي هاي الدنيا خلصانه ليش تظل بنفسي يعني والله يوميه اطلع واشكال اشوف كدامي شوفة عينك انفجارات حوادث كلشي اكوو
اكول لو اتصيرلي يوم واحد.. يوم واحد بس وبعدها اموت مااتحسف الدنيا ولا تهمني بعد
روحي صارت بيها شسوي الروحي اذا عندك حل الها كلي
..انت الكلام ميفيد وياك ابد عقلك وگلبك قافلات عليها
..لو يفيد والله اسمع منك للصبح واكول انسى واريحك واني ارتاح بس يابه مو بأيدي بعدين انطيت كلمة رجال الابوها اني
ترضا تزغرني بعينه
اني تربيتك وانت الخليت بيه هالاصرار انت العودتني الي اريده اخذه والي اشوفه مناسب مناسب ومو مهم غيري شيشوف
انت البنيت الثقه بنفسي
اكثر واحد تعرفني انت .. ليش هسه متفهمني
..عوف الموضوع هسه خل يطلع تعيينك والله كريم واني لتتصور تارك الموضوع اني سئلت هوايه عنها وللأسف ماكو شي يفرح
الأم منفصله وطبات وطلعات ع طول البنيه ماخذه حريتها وزياده بالجديد ملتزمه بلبسها
الخوال نفس الطبع
وابوها منفصل عن امها وتاركها ومتنازل عنها
وميزورها حتى ولابينهم تواصل الا بالجديد
ضحكت
..كل هذا تعرفه حجي !
هوو صح ومو صح واني مضام عنك شي كلشي حاجيلك فرحني وگول أي وخلصني خليني اضحك. براحه بداعة ام اللول وحبها عندك هسه انت لو مو عارف شنو الحب ماالومك بس انت قصتك قصه وهسه وياي ناسي كلشي
عندك عادي من ادير ظهري واتركها وهي الفكره اصلا متنقبل مو عاد اسويها
..عوفك من ام اللول گوم جيب عشه من بره مشاوي خطيه مرت اخوك هي منا تعبانه وانوب انقهرت بلكي تاكل الها اكله شويه تقويها وبيت احمد هم نخليهم يمنه حاولو تخلون اخوكم يهدأ اعصابه تعبانه ترى مخلته يحس بفرحه مرت عمك
..ان شاءالله يابه تدلل ..اشوفك تفكر بالكل الا اني مو دا اگلك ريحني بكلمه
..انت لو ممهتملك مااطول بمشكلتك هالكد جان كلت يطبه طوب خل يتحمل قراره بس تعرف انت شنو عندي محد منكم يهون عليه
أنت تقرأ
عرين ألذكريات ذنبي
عاطفيةحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
