عرين ألذكريات ذنبي

٣٣

يسعد صباحكم حبايبي . .

الف مبروك فوز المنتخب العراقي ❤️

. . . . . .

اجذب لو كلتلك ماذبت بيها
حسبت رموشها من صفنتي آعليها

. . . . .

جنت مرتبكه وسألت اريج بخوف ردت عليه باستغراب

. . شنو رؤى شبيج مجاي افهم انتي شتحجين

كعدت احجيلها الصار واني ميته قهر وخجل

. . خررب والله ضحكتيني واني مالي خلك اضحك من وره عمايل اخوج... هذا عبدالله هم طلع مو خيير يمعوده شمعرفه قابل ؟اكيد ناطيه لايك

كتلها هاج شوفي بعده يراسلني عزه بعيني شورطني

. . انطي فرصه وأفتهمي منه . . والله جيته كلها بس حتى يشوفج مو عبالج عليه

. . لج شفتهم هو يتفاهم اخوج يريد علاقه واني بعيده عن هذي العلاقات زواج ممفكره وماانسى موقف ابهر وي سرى انوب اني اخذله وبموقف اصعب نسيبه بعد شجابرني عليها وترى حتى انتي ميغفرلج ابهر اذا عرف اكو شي واني وسيطه خلينه هيج مرتاحين اني العلاقات والحب وهالسوالف احاول ابعد نفسي عنها مو ميل اميال

تعرفين عندي زملاء ومحترمين حيل واعتبرهم اخوه وحدي وياهم الدوام وبس رغم يتواصلون وي باقي صديقاتي بس اني متجنبه هالشي اخاف تتغير المشاعر وندخل بمواقف ميجي منها بس التعب مشفت واحد حب واتزوج وهو مرتاح لازم تطلع روحه يلله شجابرني عليها

الله عليج اقري

انطيتها تقرا الكاتبه

. . باعتبارج مجاوبتي شنو عجبج اكثر صار عندي يقين الهسه محتاره منو الاحلى طولي لو عيوني عادي ترى اعتبري نفسج معجبه بأثنينهن

ضحكت هي وكتلها حاجي

اندكت الباب صوت ابهر يحاجيها متت خوف واشرتلها تطلع

جاوبتني

. . مااطلع انام هنا

متت خوف وكعدت اتوسل بيها

. . الله عليج مو اليوم وقت زعلج هسه ؟ فدوه العينج لج متأكده بس يفوت يبيين عليه مسويه مصيبه ابهر ينتبه
بسرعه

. . مينتبه والله بس سوي نفسج تقرين وغلقي فونج ليتصل اخويه الخبل ويفضحنه

غلقت الفون ونصيت اقرا بملزمتي

واسمع صوته قريب للباب

. . اريج افتحي الباب مو جهال احنه بس خليني احاجيج

جاوبته

. . روح ابهر اريد انام والله

صاح

رؤى فتحي الباب انتي

اشرتلها اضرب خدي

. . خرب حظي اول تالي تزعلون وي مصيبتي لج امشي افتحي الباب اني ميته خوف مااكدر