عرين ألذكريات ذنبي

٤۰

مساء الخير حبايب

هذا البارت اكثر من خمس الاف
هنا راح انزل البارت الاخير وانزل التكمله بارت ثاني هسه هم

قراءة ممتعه ❤️

. . . .

وأني اريدنچ كنيسة بكل قناعة ..
يصلي بيها الشيعي والسني جماعة 💚💚

. . .
بغداد محفوظه بأسم الرحمان ❤️💔

الرحمه والخلود لجميع الشهداء الي سقطوو دون الوطن
ساعد الله قلوبا كانت تنبض بغير العاده عندما كانت تنظر اليكم وانتم تقبلون

ساعد الله امهاتكم باتت وهي تنعاكم

ساعد الله محبيكم 💔

لعن الله قاتليكم 💔

. . . . . .

ظليت اغمض عيوني وافتحها اريد استوعب حجيها بتعب سألتها اريد اتأكد

. . الله عليج ساره صدك عايش

. . والله عايش بس اكعدي بلكي ياخذوج تشوفي

ساعدتني كعدتني جيران هوايه موجودين عمتي الهسه تبجي ومو مصدكه . . ودموعها مختلطه بين الرهبه والفرحه الناس فرحانه النه بس متألمين على شهداء هوايه راحو من نفس المنطقه

موجودين اولاد عمام الهم وخوالهم هم بره

واحد منهم عمتي اتوسلت تروح وياه واني توسلت بيها تاخذني
اتصلو بعمي يسألوه وماقبل اي وحده منه تروح

الحد هسه مو مصدكه وارد اكحل عيوني بشوفته واتأكد

اريد احضنه واكول رجعلي اماني
الهسه الوحشه ماليه صدري احس روحي وحيده بدونه اريده هو بس هو يعرف حالي

ڪـان عكازا متيناً ؏ــــلى هيئة انسان 🖤

راحت الناس وبقينه بس احنه وكل شويه نتصل هو داخل عمليه وطالع اكو شضايا بصدره وحالته مستقره الحمدلله

الليل هذا بطوله مر علينه واحنه ممطبوكلنه جفن ولا مغمضين ولا حتى اتمددنه كاعدين وحيلنه مغادر اجسامنا
اريد اكوم واحس الرجفه الهسه بيهن مااسيطر اوكف وحدي ولا اكدر اكعد ولا بيه اتحرك نار بيه تسعر
افكر بي شلونه هسه شنو اليوجعه زين؟ عليه بعد خوف

صار الصبح واجه فرقد اتوسلت بي اروح وياهم وكال حضرو نفسكم اناملي ساعتين وانتن هم ارتاحن وبوقت الزياره نروح

حضرت نفسي واتصل عليه احمد جاوبت وسألته عليه كلي يريد يحاجيج
احس نبضات قلبي اتسارعن وايديه رجفت

حاجيته بعد مسمعت صوته التعبان

. . الووو

كالها بتعب ذابت روحي من خوفي عليه

. . حبيبي فدوه اروحلك فدوه اروح الصوتك ياعمري الف الحمدلله كتبلك عمر وكتبلي وياك دنيا جديده حبيبي شلونك راح اجيك اني اريد اشوفك