عرين ألذكريات ذنبي

٣٩

السلام عليكم . .

هذا البارت شبهته بالولاده العسره كتبته واني ابذل كل طاقتي المتشتته كوه جمعتها احس مالي طاقه ولا خلك الكلشي صدقا احس الحزن متغلغل بداخلي مو بأيدي هالشي شكد حاولت اكتب اسرع مكدرت

لذلك اني نوهت بالتعليقات الي متابعني يطلعله بالمستجدات والي ممتابع ليعتب عليه انزل تنويه لان القصه انملت تنويه ماحبيت انزل وابالكم بارت ويطلع اعتذار

هذا البارت القبل الاخير البارت الاخير احاول اسرع بي وينزل بس اريد الملم شتاتي اريده بارت طويل اختصر بي اثنين وانهيها ينزل باجر او بعده بالكثير

طبعا بدون تعديل واكيد مليان كومه اغلاط مكدرت اعدله واخاف ينحذف هم بعدين اسويله تعديل

البارت ٣٤٨۰ كلمه

. . . . . . .

أنـت لا تكسرني بل تكسر ما كان لك , لا تحبطني بل تحبط مكانتك بـقلبي , لا تخذلني بل تنزعك مني , فأنت المتضرر "🖤🥀"

. . . . . . .

بليلتها بقى يمي وظل يمسح براسي ويبوسني بس احسه مقهور اكثر مني كتله

. . بعدك تحبني

. . بعدني احبج

. . واذا بقيت هيج متأكد تبقى تحبني

. . متأكد وبعمري مااحب غيرج بس انتي حاولي تفهميني وتثقين بيه نرتاح اني وانتي لو بس تخلين تصير عندج ثقه بيه ومتدخلين احد بحياتنا حتى لو سمعتي من الناس كلها تنسين الي تسمعي
اني مرايد من الدنيا غير راحتي وياج وبس ورايد صحتج الحمل تنسي بعد نهائيا ممنوع تفكرين بي من الاساس

يمسح براسي وعينه على رؤى نايمه هو مقاطعها واحسه ضايج حيل منها وعليها

نمت واني اشوف بعيونه شلون تراقب نومتها يمكن يحسب الراحه النايمه بيها هسه ممكن على ساعه تخسرها ومتكدر تنام بأستقرار مثل هسه بعدهي متأمله يجي يوم وترجع علاقتهم وينفذ وعده الها

نمت واخر شي هو يمي فزيت الصبح مموجود شويه ونزل طالع للدوام فات شافني وطمنته عليه وراح

من هذا اليوم بدت ترجع علاقتنه ورجع يهتم بيه خاف عليه من الكئابه وهالمره اني خوفي عليه اكثر مااعرف ليش مافكرت بحزن وضوجه قويه مثل كل مره هالمره حاسه هو يمر بيها اكثر مني لأن وضعه والضغوطات العلي واهله الي بعده زعلان عليهم صح يحاجيهم ويسلم عليهم عادي بس ميكعد وياهم ولا يضحك ولايتواجد بينهم اصلا

لا فرقد ولا عمو ولا حتى رؤى بس البيت احمد يروح وبعد ملحه من احمد يكله محتاجك تساعدني بالبيت
يروحله يوم بالاسبوع يبقى يمه ساعه مو اكثر

بهاي الفتره
صرت اهتم بي اكثر والساعات اليجي بيها بالليل تعبان احب ادللة بيهم امي ابد مااجيب سيرتها يمه بس هو يعرف اني اتواصل وياها وممناقشني ابد
عمتي وعمي علاقتي بيهم عاديه بس متخوفه او متحذره من عمي اخاف ماخذ مني ومن امي موقف وهذا الي احسه