عرين ألذكريات ذنبي

٣٤

مرحبا حبايبي

البارت ٤٣۵٢ تقريبا

يعني دمجت  بارتين تقريبا

. . . . . . . . .

عندما اغار نبضي يؤلمني فَـ كف عن قتلي عمداً..💜

. . . . . . .

صعدت واتنفس بصعوبه مالي خلك اله والغيرته هسه البيه كافيني سرى كلامها كان مثل سكين اعمى وانغرز بقلبي
اكو كلمات تذبح بيها كومه معاني هو اني حساسه لو حسيتها تريد تذكره وتكله

ترى هي ماعدها شي كل همها مظهرها مو مثلي حجيبلك ولد

الهي أمتحانك صعب ارحمني يارب

فتت وهو واكف منتظرني

باوعتله بدون مااحجي بس تطلع مني كلمه وحده ابجي واني مرايده ابجي ابد مو وقت دموعي هسه
اباوع صدره يصعد وينزل يتنفس بقوه

اشرلي بأيده

. . ذبي اللابسته انطينياه بسرعه

بدون ماافهم شيدور اباله رفعت اطراف ثوبي وذبيته وانطيته اله

اتفجأت بحركته لزمه من صدره وشگه نصين والنص منهن صار اثنين اخذ وصله منهن ونزل

لبست ثوب ع السريع خليت ايدي على قلبي هذا شنو يفكر شدايسوي

وكفت قريب للدرج من يم غرفتنه مسمعت زين
استغربت حالته معقوله هيج تعدي سلامات

نزلت كلش النهاية الدرج محد يشوفني لو راد يطلع احد اركض سريع

سمعت ابهر حاجه سرى

. . هاج هذا اخذي وشوفي الهم من تشترين كلهم يعجب زوجي واني مالي خلك اختار على ذوقه اتعب!

خرب حظي هذا شسوه كل عقله

ركضت من حسيته يريد يطلع رحت الغرفتي گعدت ع الجربايه

شويه وفات بس احسه نار واسمع عمتي جوه حجت بصوت عالي تسمعه

. . ولك انت عاقل هي هاي سالفه تسويها بأختك تحرجها يم رجلها تنزل ثوب مرتك مشكوك خليته يطلع بسرعه واختك حته شالها ممعدلته متعجب بس انت متزوج وحده حلوه خبلتها وخبلتنه شبيك انت احاجي ابوك يشوفلك صرفه هالوضع مينسكت عليه زعلت رجل اختك وراح يأثر على علاقته وياها انت متفهم

طلع هو من الغرفه قريب للدرج حاجاها بعصبيه

. .اني هذا طبعي اغار شعليه من غيري متزوج حلوه لا وايمن الي صار بيني وبينه ولحد يتدخل

اتماده هوايه وهذا تنبيه مرة الثانية انهي بمكانه . . كاعد ويفصل واباله ظاله الالوان بعدين بقصد منه وبدونه من كاعد يمي وكل حجيه بهالسالفه ميخجل ميكول عيب من رجلها عيب من مرتي اكعد اقارن... يطبه طوب اصلا هوايه حكمت نفسي ولعنت الشيطان والله لو ممضبط نفسي جان كومته بكاعه الناقص . .