قبِّليني كي أقول بأنني قبَّلتُ نجمًا ،
راقصيني كي أفاخر أن كوناً دار حولي.
……… .……
بهذا اليوم ظليت بقلق اريد اعرف وضع ابوها شنو
انطاني رقم ابن عمه الدكتور الي يسوي عمليته
واعرفت هو عنده مشكله بالقلب وعمليته مو سهله بس ابن عمه طبيب معروف بلندن وهو الي داز عليه ومسهل وصوله هناك
يراد يسوي العمليه ولازم فتره يرتاح بيها ويستقر وضعه يلله يرجع هذا اذا الله نطاه عمر لان نسبة نجاحها كلش قليله هذا الي فهمنياه اقاربه وموصي انو لازم ماابلغ احد
المشكله هي متعرف ولا ولده يعرفون الي يعرف زوجته واخوه وبس
ظليت ع تواصل وي اقاربه هناك الحد الليل يلله ارتاحيت من طلع من العمليه ووضعه كان مستقر بس تحت المراقبه
بيومها
اتصلت عليه اريج يمكن تلث مرات مكدرت احاجيها راسلتها اني مشغول
ومية فكره اجت ابالي لو شاءالله واخذ امانته معناها كلشي يتأجل وهي راح تبقى تعاني من وضعها
واني شلون اتحمل اشوفها مهمومه واصبر
اذا الله فرحنه بسلامته وتم كلشي اواجه مشكله ثانيه وي ابويه وباقي اعمامي واقاربي اكيد الكل ننطيهم خبر بالعرس ابوها ليش ميحضر؟
واحنه فهمنه الكل سفرته وقتيه
بعد ماكو مجال اتراجع واحسب هذي مشاكل كدام الي راحن كلش بسيطات اكيد الكيلها عذر
نزلت جوه حاجيت امي وسمعت ابويه متعمد طالب منها تدعي الابوها
لان وضعه صعب وعمليته خطره وهي متعرف وحجيت كلشي صار وشلون اتصل بيه
هو هم افتهم حتى مسألني الحد الليل متأخر من كالولي هو زين وطلع سلامات نزلت الاهلي بلغتهم رغم ابويه مسوي نفسه ممهتم بس واضح عليه القلق
اعتقد يخاف العرس يتأجل
اخذت نفس براحه شفته فرح من امي بلغته العمليه نجحت وكلها الحمدلله خلي نزوجه ونخلص
وصار وقت اتصل بيها وبالي مرتاح
على ابوها الي مو داريه عنه !
اتصلت بيها حتى بالي يطمن ونبدي نجهز من باجر ادزلها فلوس تتصرف بيهن واشوف منو يساعدها بالتجهيز
جاوبتني بلهفه صوتها يطرب مسامعي ويأثر بكل ذره بيه
..هلوو حبيبي شلونك؟ وين اتصل وانت ماكو اعرف مشغول بس حيل اشتاقيتلك وردت اسمع صوتك وبس!
..فديت صوتج اني ..مشتاق الج اكثر.. نتعذب بس هالايام وبعدها تشبعين مني ومن صوتي بس اني أظل جوعان واطلب هل من مزيد ؟
..ههههه شوكت هذا الحجي
..هذا الحجي باقيله قليل جهزي امورج انتي ..باجر نجيكم اني والوالده انطيج فلوس تجهزين نفسج منو يجهز وياج
أنت تقرأ
عرين ألذكريات ذنبي
عاطفيةحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
