......
حيل خفت وحسيت بالغلط السويته متأخر بس ممعقوله لأني بتت سوه كل هذا
انفتح الباب واني گاعده ع السرير من خوفي قريب ميوصل كعدت على طرفه
فات واني وگفت وهو مهتم الوجودي اصلا
ذب مفتاح السياره ع الميز
وفتح قميصه ناطيني ظهره ذب قميصه عيوني عليه جسمه وذراعه كله متشنج بحيث عضلاته بارزه واوردة ايده ظاهره
بخوف وصوت متردد احاول افهم وضعه
..هلا حبيبي شلونك
..ليش اجيتي
..شنو ليش اجيت
..اي شكوو اجيتي امج ومشتاقه الها وتردين تشوفيها ابقي يمها ليش جايه اصلا منو عندج هنا ؟عندج احد هنا انتي ؟
..أبهر اسمع مني عفيه
..اششش لا اسمع منج ولا اسمعج الحجي ميفيد وياج انتي
من واحد يحجي وماكو من يسمع يكولون عنه هذا متخبل يحاجي الحايط
وانتي الحايط هذا يفهم وانتي متفتهمين
تدرين ممصدك الليل كله اكول هسه ادز رساله وتكلي تعال اخذني مااتحمل زعلك .اتعودت عليك .مااكدر ابقى وانت مو قابل
الحد موصلت النتيجه شكد ماجانت تجرح وقاسيه بس تبقى حقيقه ولازم اتقبلها
وهي حبي الج يختلف عن حبج الي
اني شايفج شي وانتي شايفه شي ثاني وهالمره مراح ابالغ بردة فعلي مثل متكولين كل مره
بس مراح انساها الج
..ابهر عفيه اسمع مني شسويت اني كل هذا لأن ردت اصلح اموري وي امي سنة ونص مشايفتها على ليله وحده اشبع منها واشوفها گلبت الدنيا
..مراح اسمع واصلحي براحتج اريد اشوف نهايتها شنوو اصلاحج وين توصلين بي تاليتج مخربه حياتنا وامورج نفسها وأسوأ الي تسوي مقابل عليه ومااسامح والله وحركة گلبي البارحه لج ليش ..ليش شنو اسوي تفسرين ع كيفج اني مانعج من امج اني اخذتج منها ومنعتج لو هيه الي مرادت تشوفج اني مو على امج رغم متحفظ منها بس على اسلوبج وتقديرج الي
..اريد افهم انت ليش مزعوج ..شنو شسويت اني مو بلغتك
..بلغتي شنوو لج اني رجلج لو رجل كرسي والله محاسبج زوجه وبس معتبرج صديقه وحبيبه وزوجه وكلشي ..اني شنوو بحساباتج تعرفين شنوو مجرد انسان اتعلق بيج وحب يساعدج وشفتي منفذ تغيير الحياتج واقتنعتي بي هذي الحقيقه المره لتوصلتلها البارحه ..وهذا ناتج افكاري وجنوني شوفي بعينج
اشرلي ع مكان المرايه وكمل كلامه
..بعد السويته ونفسي ريحتها بذني ضمنت روحي مااذيج وانتي
مخيره هسه تكملين حياتج هيج حابه ترجعين للاول الموضوع يمج اني ماعندي شي انطي بعد كل الي اكدر عليه سويته علاقتج وي امج انتي تحدديها
أنت تقرأ
عرين ألذكريات ذنبي
Romanceحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
