السلام عليكم حبايبي ..
…… ..
اخبرو اولئك الذين وعدونا بالبقاء
أن البقاء لله وحده🥀
……… .
رسلت الرساله اخر لحظات انتبهت النفسي شبيه شنو هالرساله شعليه باللون اني!
لغيت الأرسال وبداخلي كثير اسئلة
ليش دا افقد هدوئي واتزاني المعروف، ليش ديغيب عقلي واتصرف بدون وعي
شنو موقفي لو واصله الرسالة
ليش طول الوقت افكر بيها بدون ملل بدون انقطاع
افهم حبيتها
هيج يسوي الحب !
كيف اضبط اعصابي
والي كدامي مشواار ،مشووار طويل ،فكرتها عني ،موقفها مني بعد متعرف غايتي ،امها واتفكيرها
واخخخ ياامها مااعرف ليش من اذكرها نوبات الم تعتصر گلبي
متأكد حتكون هي اكبر عقباتي
تعبت واني بالبدايه
لاگادر ازعلها مني وافرض عليها رأيي انو تغيير ملابسها الاكثر احتشام ،،ولا گادر اخليها مثل ماهي وبداخلي اعرف تربيتها ودواخلها ومتأكد المظاهر متهم
ليش احس بتعب
احترق من داخلي من اشوف مفاتنها واتخييل غيري يشوفهم .
بطبيعة الرجل مهما كان تفكيره ومحدودية عقله و انفتاحه
تبقى مساحة غيره بداخله
وغيرتي دتحرگني وادمر كلشي
ادمر هدوئي، والتأني العندي ،
دا احس نفسي اتحولت الانسان متسرع
كنت بيوم الوم هذي النوعيه من الرجال واقربهم الي حتى !
شنو الي مقربني الوالدي ومخليني مثل ظله
غير محبتي بشخصيته وهدوئه واتزانه
وكيف يتعامل وي الأمور
من اكثر الشخصيات الي اتأثر بيهن
ودائما احمد الله انو اني طلعت ع الوالد
وخالفت المقوله الي تگول ثلثين الولد ع الخال
خوالي متسرعين بشكل يحكمون ع الانسان بدون معرفه
عادي يدمرون انفسهم وغيرهم المهم ميتراجعون ويعترفون بغلطهم
اتذكرتهم واتذكرت احمد
احمد صاير مثلهم رغم كان ينتقد افعالهم
كمشت راسي ديأذيني اريد اركز ع طريقي وانتبه السياقتي
أريج ،احمد ومشكلته ،مشاكل كومه وتعب
تعبان حتى نوم منايم البارحه
كنت متشوق اشوفها
حلوة گلبي
اشتياقي اتحول القهر وملامه
دا اريد حجه اكلمها بيها
قريب البيتنه اتصلت عليها جاوبت ومثل كل مره صوتها يأسرني
أنت تقرأ
عرين ألذكريات ذنبي
Romanceحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
