عرين ألذكريات ذنبي

٣۵

صباح الخير حبايبي . .

البارت عن بارتين تعويض

. . . . .

وتأتيك الاشياء على قدر سعيك لا على قدر رغبتك"

. . . .

اموري شغل كل تفكيري وضاف نكهه الحياتنه اني وابهر صار مسؤوليتنه وصرنه نراجع بي طبيب ونتعامل وياه معامه خاصه بس هو وكح كلش
اتذكر اول يومين هو بالغرفه يمي انشغلت باتصال وي ماما كانت مسافره تركيا هي وزوجها وانشغلت وياها لأن ظلت تحجي عليه

. . شوفي العالم هنا شوفي الدنيا والناس ذبحتي نفسج ع الزواج واتزوجتي وتاليتج مدفونه بالحياة
وعلى ساعه يتزوج عليج ياريت لو ضامنته

ضجت حيل وجاوبتها

. . ماما يعني متعرفين الا تضوجيني وتذكريني بنقصي منو يكول يتزوج هو وعدني ميتخله عني بعدين اني الحمدلله مرتاحه وياه ومدللني بس صح غيرته صعبه

. . لا والله وعدها مصدكه يظل عمر كامل بليه اطفال. . بعدين يغار من شنوو اشوو بس عرفتي خلاج تلبسين حجاب وخنكتي نفسج بي

. . الحجاب لبسته قناعه مني يوم مو هو جبرني واذا ع الاطفال عدنه ابن فرقد امه كالت اعتبرو ابنكم وهسه يمي يعني اني وهو نعوض نقصنه بي وهم نراجع

. . عزه بعينج لج الثول هذا البيج منين اجاج متكليلي شكوو تربين للعالم انتي. . مو ابنج تعتبرينه ابنج شكوو مصدكه نفسج يصير مثل ابنج اول وتالي الاهله وامه ليش اتعبين نفسج انتي لج طلعي سافري عيشي حياتج هي مره والعمر خلصان

. . اوووف ماما عفيه لتزيدين همي وتضوجيني والله مواعدني بسفره من الشهر اليجي بعد ميبقى علينه دين وكلشي مطلوب عليه سدده هذا الشهر
وبعدها مراح يقصر عليه اني اعرفه ولتنسين الدوام هم مقيدنه

. . ع اساس الغبره انتي متنطين وياه وهو وحده سدد

. . واذا انطيت زوجي ونتساعد اني وهو شكوو بيها ماما اصلا ماقبل ياخذ بالبدايه بس اني لحيت عليه وهو وعدني شكو شي ساهمت بي يرجعلي

. . انتي لو تصيرين شاطره وتفكرين تعزلين فلوسج وكلشي يخصج بيج الج وحدج متعرفين الدنيا شضامه الج ع الاقل مرتبه امورج لو اتزوج

. . اووو ماما واللة راح اغلقه كل شويه وكلتي يتزوج انتي ليش متقتنعين هو يحبني

. . ماادري اني ماارتاحله وخايفه يكسرج ودي تكسرين خشمه وتنسحبين انتي قبله بس تحسين بي متغير لتنتظرين اني علمودج لج عقلي كله يمج والله

حاولت اغير الموضوع

. . حيدر وين هسه

. . بالحمام يغسل نريد نطلع . . المناظر تجنن والجوو مينمل منه