اشتهي النوم ألف سنة...
لست متعبهه..
ولكن بقلبي غصة .. قتلت
رغبتي بالحياة !!
..أريج اهدأي حبيبتي نوصل وافهمج
..شهدأ انت متوهم موو ؟گلي متوهم لو مقلب مسوي بيج كول ابهر كلشي گول بس لتگلي متزوجه وشاب من عمري هم !
شلوون معقوله ؟
وگف سيارتك انزل وگفها عفيه
..على كيفج شيلي ايدج الباب مقفوله مراح اوكف شتسوين قابل تمنعيها انتي لو تردين تعاتبين ميفيد شي بس اسمعي
..ماامنع والله ولا اعتب مالي علاقه بس اتأكد خليها تشوفني نزل الجام نزله واوكف
صرت اضرب الجام بكل قوتي
..اوكف والله اوگف بس اوعديني متنزلين ولا تحجين شي ولا تضعفين يمها ولا تنقهرين ركزي وياي وكليلي وعد واني يمج وكلشي تردي اسوي بس خليج قويه زين عمري
عادي ترى من حقها تتزوج لتضوجين ابد خلي هالشي ابالج
..خرب لا ابهر ليش سيارتهم اتحركت ليش موگفت ليش
صرت اضرب ع رجلي بقهر
..شنو تستفادين اذا وكفت.. اني ليش ماكتلج اعرف تتخبلين وتنهارين انتبهي عليه لتبلغين احد الشفتي بيني وبينج الحد متكونين مستعده واجهي واني وياج وصيري قويه عادي تتزوج عادي لتنطين الموضوع اكبر من حجمه امج حرة نفسها
..لا مو عادي ابد مو عادي انت متعرف شنوو جانت تفكر متعرف شنو الزواج من وجهة نظرها لتكلي عادي ابد مو عادي الهسه مو مصدكه
ضربت الجام من شفت سيارتها قريبه علينه
..افتح الجام بس خليها تشوفني بس رايده تشوف
فتح الجام وعينه بين الطريق وبينيي وهو يهدأ بيه
..قرب السياره عليهم اريد اصير بصفها مناك عفيه ابهر قربها اريد تشوفني
..اقربها بس اريد افهم شنو الي ناويه تسوي
قربها فتحت الجام دموعي نزلت مسحتهن بقوه حسيت عيني وجعتني
دقايق يلله شافتني نظرتلها بعتب بادلتني النظره حسيتها مشتاقتلي من نظراتها مااعرف يتخيلي
ودي احاجيها وافهم منها ليش وشلون
بسرعه اشرت الزوجها يطلع اسرع زاد السرعه وطلع
واني احس راسي يريد ينفجر
سكتت وصوت شهكاتي يشرح حالتي
ابهر محجه ويايه
اخذ جكايره وظل يدخن
طوول وهو ساكت انتبهت للطريق مو طريقنه هذا وين رايح
باوعتله
..وين رايحين
..نروح بمكان هادئ ونسولف ولو حاسب حسابي وبجيبي مصرف يكفي جان طالعين نزور الكربلاء وترتاحين هناك ونحجي كلشي بعيد عن البيت وعن كل واحد تعرفيه
الي اريده منج هسه نسولف واشرحلج كلشي وبعدها نروح للبيت الفجر اخذج واروح ازور نروح ليلتين هناك شتكولين
أنت تقرأ
عرين ألذكريات ذنبي
Romanceحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
