عرين ألذكريات ذنبي

٣٢

يسعد صباحكم

اسفه مكدرت انزله من وقت

تحية حب واجلال الابطالنا المتظاهرين بالتحرير وسط بغداد وبمناطق العراق كافه وخاص ابطال ذي قار الي اتصدوو للهجوم  بقوه وشجاعه

وتحية ايضا  الكل عسكري يحاول جاهد يضبط نفسه ويأمن المناطق للمعتصمين
العسكري الي يهمه ابناء بلده وليس قادة البلد الي اتسلطوو على رقاب الناس 

تحية الاولادنا واخوانا العراقيين جميعا

. . . . . . . . .
هذوله إحنه
مشت دنيانة بـ المگلوب
التمّت علينه حروب
وانسدَت دروب وبوب
لكن ابد ماطحنة
هذوله احنه
ورد جوري اذا فحنة 🇮🇶🖤

. . . . . . . . .

. . عزه بعيني تحجي صدك

. . على شنوو هالعزه يمعوده وداعة عيونج الحلوه ولا ليله نمت ومكدرت افكر بيها اخذت عقلي وسلبتلي قلبي حيصير سنه على شوفتي الها اول مره وبعد متروح من بالي دخلتها عليه . . ولا اكدر اشغل بالي بغيرها رغم شكد حاولت

. . يعني شنو انت رايدها زواج لو شنو مجاي افهم

. . اي طبعا خو مجاي مناك لهنا اصادق واروح مو يمي انواع الصداقات واكثر من اطار الصداقه كلشي مباح هناك للشاب بس اني رايدها و باقيلي سنتين ونجي هنا نستقر والذاك الوقت الله كريم بس اخاف البنيه متنتظرني وخاص ممبين مشاعري الها ولتكولين استعجلت ومااعرفها لا اعرفها كلش زين

. . مااعرف شنو اكلك بس الي اكوله الله عليك خليني بين عيونك بيها اعتبرها اني المتقبله عليه لتقبله عليها وثاني شي صح اني واخوها حبينه بعض واتزوجنه بس كان واثق من نفسه واتحده الكل واتزوجني لتخربط مشاعرها وتروح

. . اروح ليش شبيج اريج ليش هالكلام

. . خلينه صريحين اني وانت نعرف كلش زين والدتك اي شي من طرفي صاير يضايقها والحد البارحه اتصل بيه ابويه يسأل واسمع هي يمه وتحجي وتلوم بي وبيه ع اساس اني دازه عليك ومجاي اتركك براحتك وهي خايفه مني وابويه الظاهر متلاغي وياها وحب يتأكد منها فعلا اني دازه عليك بس بغير طريقه كلي انتي محتاجه شي عبدالله يعرف شي اني مااعرفه تردين تجين يمي كومه حجي حجاه حسيته شاك ان اني ممرتاحه وبس انت تعرف وامك يمه تلومني وابالها اني جاي اورطك واجيبك لهنا بهذا الوضع الي تفكر هيج تقبل تزوج ابنها الحماتي

. . واني شعليه بشنو تفكر ترى الزواج الي مو الهم واصلا بعد وقته بس اعرف هنا البنات بسرعه ينخطبن وحاب ابيين حبي الها بلكي تحبني وتقتنع بيه

. . فاجئتني والله ديربالك ابهر كلش صعب وذكي ومتفوته ابد واعتقد اذا صار شي بينكم يعرفه وبهالحال تسببلي مشاكل اني بغنى عنها اذا رايد اخطب واحجزها