عرين ألذكريات ذنبي

٣٨

يسعد صباحكم

البارت هذا عذبني كومه بي عراقيل من غير الكلساع جاي احد قاطعني مرتين انحذف وارجع اكتب هلكت بي 🤦‍♀️

. . . . . .

. . .

. . ذنبج كل الي صار بسببج اريج لتحاجيني اترجاج عوفيني مو طايق بشر ودي اهج منج ومن اهلي ومن الدنيا كلها

. . اعرف اني غبيه كله مني والي صارلك بسببي بس والله معبالي هيج يصير ولا قابله ع الي دايصير وكل شويه اعاركها ابهر فدوه كلي اني وياج ومسامح ومااحملج ذنب امج

طلعلي الرساله مرئي وماوصل منه رد

احس بداخلي نار كل ميمر وقت تزيد اكثر
حتى دموعي ماعادت تريحني ولا تخفف من الهم العلى قلبي

يارب فرجها عليه وخفف عنه كلش كافي الملامه
كعدت اتذكر اول يوم جمعنه بداخل الجامعه وشلون جنت والهذا اليوم الي اتغيرت بي هوايه امور وحاول هوايه يغيرني اتغيرت بس باقي بيه ضعف. . خاص من زادت عليه همومي مشاكل حملي كلش عليه عذاب يوميه واني اخذ علاج امنع الي متمنيته كل وقت حاولت اقنع ابهر اخر فتره اقطع المنع ونجرب حظنه ماوافق وحذرني قطعته يومين وخفت ورجعتله

وبعدها بعد امير عني الهسه احس اخذوو شي الي اخذوه مني غصب ايام اتعب واداري وكل هذا مو مهم بكد المحبه الي انزرعت بقلبي اله صرت اتخيله بحضني مرات وابوسه واشمه من كد ممشتاقه الحد هاللحظة واني ميته عليه
ووفاة بابا وتغييره والحجي الي براسي من امي وغيرها ونفسي الضعيفه اتعاونن كلهن عليه خلني انفجر واجيب الهم النفسي واله

احس وجع بصدري حد الموت ماالي احد اشوف الدنيا بكد خرم الابره ضاق بيه الكون واني افكر بي وبمصيري

بس هالمره لازم اتقوة اثبت النفسي اتغيرت واستاهل التعب التعبه وياي

كمت دكيت باب غرفة امي

طلعتلي تعبانه وشكلها ذبلان هي من اول ماشفتها هيج بس ابالي تعب سفر

هوايه فرق بين شكلها هسه وبين شكلها قبل وفاة بابا اخر مره شفتها هي حتى بوفاة بابا مااجت عزتني بتليفون وكالت اهل ابوج ميحبوني اخاف اجي ويطردوني واني كتلها اذا عليه ماما ماكو داعي عاذرتها لأن فعلا مراح يستقبلوها . .

صفنت عليها سرحانه بملامحها شنو الي مغيرج وشنو الي يخليج تسوين كل هذا والي مثلج مرتاحه والدنيا حلوه بالنسبه الها احسن من هوايه غيرها

قطع صفنتي صوتها

. . هاي انتي بعدج تبجين لج عيونج حيعمن اريد افهم عليمن هالبجي

. . ابچي على حظي الي يخليني محتاره بهيج موقف يووم والله محد مسوي سوايتج ابهر ياخذ منج فلوس ويسرق هم ! ليش وشلون تعقليها الي عنده خير من الله واساسا هو ابن خير مدللني ممقصر وياي هيج تجازينه غير اني بنتج وسعادتي تهمج وهو سعادتي يوم فدوه اروحلج اتنازلي الخاطري