عرين ألذكريات ذنبي

تكملة بارت ٤۰

. . .

. . هههه اهم شي سلامته ولد بنيه الف الحمدلله على رزقه اني اصلا الهسه يتحرك ابطني ومو مصدكه حامل يمكن لمن اسمع صوته واشوفه بعيني يلله

. . ان شاء الله تشوفينه وافرح بيكم اثنينكم

بعد ايام بديت اجهز والغرفه الي سويناها الامير رتبناها اله غرفة كامله بس يكبر شويه نحوله لان اكو باب بينه

جهزتله كاروك بغرفتي هم

رؤى اجتنه بعد زواجها هي وزوجها الولد خوش ولد هم

اني بشهر الثامن وخابرني عبدالله جاي يجهز نفسه يرجع وامه شكد محاوله وياه يبقى مموافق يكول شكو باقي لاتسمع كلامي وتمرد اخويه عليه ورادت الورث يتقسم والج نصيب من كلشي انتي واسمج موجود بس تخلص قضية الميراث اجي

وفعلا بعد اسبةعين وكل محامي واجه

استقر ابيت ابويه القديم من رحتله لكيته نظيف كال اكو مكتب اتصلت بي ودزولي منظفين مو منظفات حتى
اتعجبت امو هنا يمنه مكاتب وبي حتى ولد تنظف بعدها فكرت العالم تريد تعيش وين تروح لعد

بيةمها طبختله وكويتله ملابسه ورتبتها وبالليل وصلني قريب البيتنه
كال

. . رجلج ماهداه الله عليه يخليني اعتذر منه ويعذرني

. . لا خلي ابهر مو من النوع الينسى

. . براحته

وصلني وراح لكيت رؤى يمنه من وصلت الحمدلله ماشافها لو حس بيها خطيه البي كافي

هي شويه وراحت لان من زملن جايه وملاكيتني حتى ماسألتني عليه وشعجب جاي عبالك متعرفه جانت

ايام وطلع القسام الشرعي وكان ورثي بوقته يجيب بيت كبير وارقى بناء بمنطقتنه اني قبل فتره ابهر مشتريلي قطعه بأسمي مخليها كال وعدت نفسي اول ماطلعت من الموت اخليلج ضمان اشتريلج قطعه هسه وابنيها شويه شويه على راحتنه منستعجل حتى بناينها يكون راقي وكلشي درجه اولى
هي مكانها قريب البيت اهله

من طلعلي الورث قررت ابني بي البيت

كوه قنعت ابهر بالفكره لان الفلوس بعد ممستلمتهم

بيوم اتصل بيه عبدالله كلي مشتاقلج اريد اشوفج العين ويايه تكدرين لو اتعبين

كتله حبيبي اجيك للبيت غير يوم احسن من جية ساعه منستفاد منها واني تعبانه مو مال طلعه مالي خلك جيتي للبيت الك احسن اشوف ملابسك اكويلك اطبخلك

. . اريد اشوفج اني مااريدج تخدميني موجود السوك اكل غسل كوي وتنظيف اني هم شاطر ترى ممخلي شي

. . ميخالف حبيبي بالبيت براحتنه

. . على راحتج لعد لطولين عليه انتظرج
,