البارت بدون. مراجعه وتعديل علك مرتين. وانحذف منه ورجعت اعيد احس هسه اصابعي اتشنجت وعيوني غوشت والله ورغم هذا كتبت 3522
كلمه
احاول اعدله باجر ياريت هالمره عبير وساره تغلسن زين 😁
………… ..
مخنوگ حيل ضايع
ماعندي غير الدعاء دعيت ربي واتوجهت اله بصفاء نيه
طلعت و كعدتي هنا بعد متفيدني رحت للكراج عازم ارجع البغداد
احساسي يوجع ابويه ممتوقع منه هالشي عبالي يعارض او ميتقبل ومن اقنعه يسمع مني
ممتوقع يقفل الموضوع بدون منتناقش بي
وي كل خوفي وحزني احساسي بالذنب يخنگني عمري مامفكر اكون من هالشباب الي يورطون بنات العالم وهم مو گدها
هوسة الگراج كل مجموعه تمثل محافظه والسواق تتنافس ع العبريه
بالي مو يمي بالي يمها اخذت عقلي وگلبي
احس اعظامي ترجف خايف عليها تذكرت بعركتنه اني وأيمن فقدت وعيها بس لأن شافتنه نتعارك
هي حساسه وتخاف شسوت امها حتى توصل للأنهيار
صح كانت تشكي منها بس ولا مره ذكرت انو هي تمد ايدها عليها
اول سياره متوجهه البغداد طلعت بيها
اتصلت بخالتها اسألها
گالت الحمدلله حاليا مستقر وضعها
وينتظروها تتحسن اكثر وتطلع
ردت اعرف بأي مستشفى هي ..سألتها وجاوبتني عرفت اسمها والمكان نفسها الي طبقنه بيها بس طلبت مني مااحضر والم الموضوع الحد هنا وكافي لأن ابوها موجود والهسه متعرف شنو حيصير
كتلها راح اضطر الح بأتصالاتي بالي يمها اتحمليني بين متصحا واشوفلي حل
رن تليفوني امي تتصل اخوتي مبلغيهم بقراري البارحه وابويه ضغطه صاعد وتعبان وهي تلومني شلون اخلي بهيج موقف وشلون اسوي هيج بيهم
كالت تعال وابقى زعلان بس ليروح يموت بسببك حاول تقنعه
مو رأسا اتهدد وتتخله عنه
ضجت ع ابويه وخفت عليه اكثر
اعرف حالته من يعصب
ابويه مكانته عندي غير مو بس أب صديق الي وحبيب وخليل ابويه علاقتي بي تختلف .. لذلك انصدمت بموقفه بس مهما يكون غلطت من فكرت اضغط عليه واخوفه واخلي باله مشغول
خاص هسه واني القلق ذابحني ع حبيبتي خلاني افكر بقلق ابويه واهلي عليه
البارحه مارديت على اتصالاتهم وكتلهم ينسوني ونسيت كلشي حلو منه من اول موقف وخلاف بينه
كتلها يوم اني راجع بس ادعيلي ترى مخنوگ حيل والقلق ذابحني
وصلت البغداد اتوجهت للمستشفى ألي معارف بيها مراح اشوفها بس اعرف حالتها شنوو من اصدقاء الي اكيد كلشي يمهم من خلال التحاليل يعرفون حالتها
أنت تقرأ
عرين ألذكريات ذنبي
Romanceحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
