أطوي صفحتكم وارد اقراها
هي گوه عيونكم ننساها !!
شلوون بيكم فوگ عيني إمددين
وآنه وگلبي نسكت ونرضاها
ليش ما يبچون م̷ـــِن نبعد حراام ؟؟
ويمهم إحنه عيونه نسيناها !!💔
… …………
ساره ..
اتزوجت احمد عن حب وعشنا اجمل ايام ..
قدرته وحترمته وهو هم يعاملني بحب وتقدير وكل الاحترام بحيث مواجهت اي مشاكل حتى من جنه ساكنين وي اهله الكل يحبوني ويقدروني واني معتبرتهم اهل الي
بس اني بطبيعتي حيل ملتزمه واني ابيت اهلي بس مو متعصبه يعني عادي نكعد نضحك نشاقه وي اخوته بس باحترام رغم محجبه حجاب كامل وملابس عريضه ومحتشمه وبقيت تقريبا اكثر من سنة اني وياهم حملي صادف بالصيف وصرت اتعب من الغثيان والجوو حار واني ملتزمه كلش اتعب والحر دمار الي جان
من شافني احمد هيج قرر نعزل وهو متمكن يفتح بيت ..فاتح اهله بموضوع الطلعه من البيت وشجعوو ومحد منهم عارض بس اكو صعوبه اول فتره علينه وعليهم هم اتوحشوو ابنهم الكبير وطلع منهم واحنه هم وحدنه وصرنه نروح ونرجع عليهم الى ان اتعودنه
وصرت ارتاح ابيتي اكثر البس براحتي والي يعجبني اسوي بدون قيود ..
احمد ارتاح اكثر ودائما يكلي احسن قرار اتخذته انو طلعنه ابيت وحدنه
مرت سبع سنين ع زواجنه مواجهنه اي مشكله طول هالسنين الكل يشوفنه احلى اثنين او احلى عائله
خواتي قريباتي الكل يكلولي ياريت نحصل مثل زوجج ونعيش حياة حلوه مثلكم
الحد اخر ثلاث اشهر بعلاقتنه فجأه تغيير كلشي بالبيت هو تعامله وياي نفسه بس لاحظته تغيير تليفونات اتصالات ورسائل ع طول يطلع يسهر يتأخر بعد ماكان يرتاح ابيته صارت راحته بره!
يجي ينام وبس بعدها الموضوع اطور صار ميتحمل كلمه مني لو هوسه من جهاله يتحجج بتعب الشغل والراحه بهالبيت معدومه حسب اقواله والحجج الي يظهرها
ماانكر اني اكثر وقتي الاطفالي والبيتي
كل همي النظافه للجهال والبيت والاكل وطيبته وبس
ناسيه نفسي ماعدت اترتب مثل اول ولا عدت ادلع عليه بس جنت مأمنه انو هو يعرفني ومن يشوف البيت نظيف والجهال هو من يمه يرتاح
ويحبني مثل مااحبه ومستحيل يتغيير
ماوعيت ع نفسي الا بعد صدمة عمري رغم هذا مانطيته الحق ابد مهما كان السواه شي كبير بحقي
يوميه اتصل بي وهو طالع يرفضني طول هالوقت اظل اراجع ذكرياتنا شقانه ضحكنه ودلعنه اهتمامه بيه حضنه الي بأوقات تعبي بعصبيتي من الجهال مرات اذاهمني الذكزيات الى ان يرجع
ومن قهري اتعارك وياه نخلصها اعياط وكلام جارح منه الي وصرت اقابله بنفس الشي وصرت ابتعد اكثر
الحجج كانت كبرتي نفسج كل همج شغلج والجهال انتبهيلي اترتبي كل ميزيد بهالكلام ازيد قساوة وابتعد اكثر كل نيتي الزعل بعده رضا ورضا اجمل من استمرار علاقه بركود
أنت تقرأ
عرين ألذكريات ذنبي
Romanceحياتي جميله لو انها تخلو من ذكريات موجعه لمن أفنت حياتها من اجلي كان همها حمايتي من اوجاع مرت بها سابقاً حاولت ان اكون كما تريد واكون كما تريد ان اكون ولكن هل يدوم هذا ؟ وهل تنجح محاولاتي ؟ امي سعادتي وجزء من احزاني
