عرين ألذكريات ذنبي

٢٦

صباح الخير

طبعا ملكيت وقت اكتب براحتي وكتبته واني مغمضه اخر شي هههه

المهم بدون مراجعه البارت استعينوو بمترجم

.....

خطفة شوگ من بعيد
ماتترس عيون البال
كون الشوگ طگ بطگ ..

....

رؤى ..

راجعه من الدوام والجوو يخنك بعده ممعروف يوم بي بروده وحلوو يوم ترجعلنه الايام الحاره
بيومها بنص الدوام متت حر لابسه بهاري شبسرعه تغيير؟

العراق العظيم كل التقلبات البي ممحسوبه حتى الطبيعيه !

المعروف اليوم يجي اخوو اريج يشوفها بعد الضهر يوصل وهذا الا بهذا اليوم يجي اكسد عدهم بارده
ضحكت بداخلي
يلله خلي يتذكر ايام الوطن اخاف الغربه تنسي

اكيد الاهل مخبوصين يحضرون همزين ميوصل من وقت سمعت ابهر يكل الابويه يتأخر ساعات طويله ولازم ع عمان يرجع وبعدين يجي من عمان بطياره هم

يعني تعقيد بتعقيد هاي كلها والله اريج انضربت كف وصاح عليها ابهر شكد حلوو هيج والله اني هم اخبله بأخوتي اذا حاجاني خاص فرقد قابل نافخ جسمه ومعضل بلاش

بس اكيج مو علمود شي تافه
لا
هم ميهون عليه المااعرف وينه لسه ممبين يمكن امه تخاف عليه من العين وبعده مطالع وشايفني هههه

نزلت من الخط بداية الشارع اتمشيت واحتريت اكثر
فتحت الباب وفتت طبگته ورايه

السبلت ع طول يشغلوه بالخطار والهول الوالده حارمتنه منه تكول بارده ومااتحمل برودته
ذبيت الشال وخليته ع كتفي والكب نزلته ع رقبتي بدون مااشيله اريد افوت واذبهم
شلت قراصتي وجاي الم شعري وفتت

بصةت عالي خاطبت نفسي

..لج يوم ماكووو هيج حر اني خبله ولبست هالملابس هو اني وين عايشه ايامنه لو حر قوي لو ثلج عشتوو بهاري لابسه ع اساس عدنه وقت معتدل بي الجوو
واكفه مقابيل السبلت العمودي

واحرك بأديه اريد هوا

سمعت صوت ورايه شخص يتحمحم بخفه
درت وجهي اشوف منو انصدمت وارتبكت حيل

خرب هذا منووو عززه عززه بس لا ..

مبتسم نص ابتسامه رافع حاجبه هز راسه يريد يعرف شكوو او منوو

..عززه انت اخت اريج موو

بلعت ريكي وكملت

.. اني اخوو ابهر اقصد شسمه هو اخويه

انتبهت للكب والشال

خررب

طفرت وگلبي يريد يوكف من الموقف شنو هالحظ كمت اخربط اخوو ابهر شنوو؟
اني اخوو ابهر امدايه ع هالتعارف الطايح حظه