عرين ألذكريات ذنبي

٣١

صباح الخير حبايبي ..

مرتين يجي النت واني ماادري اليوم ظليت منتظرته 🤗

طبعا للاسف كتبت بارتين طوال الي كدام وهسه لكيتهم محذوفات من المسودات باقي كل بارت منه اربعمية كلمه وواحد ستمية الخلاصه متت قهر فلاتزيدون بلومي وهذا البارت ٣٣٣۷

.........

يشجرة شـوگ . .
غِصنك انـة وطيورك . .

.........

أريج ...

اسبوع خليته وقت التحديد مصيري وحياتي بعيد عن العواطف بعيد عن كلشي احبه وهو دنيتي كلها ويحبني اكثر من كل احد اعرف ..

بس هذا مو كافي

يحبني الي بس يحب يصير اب
احبه بس حبي اله ميتم بدون حرمانه من اهم حقوقه

اجه ابالي فكرة بعد اسنين اسمحله يتزوج حتى يصيروله جهال واني ابقى حبيبته ومستحيل ينساني مجرد تجي وحده تصير على ذمته وتسويله الي عاجزه اني اسوي
مجرد مااجت ابالي هالأمور اختنكت واني اتخيل اتشاركني بكلشي حتى صوته من تسمعه الي هو مباح للكل مو بس الي اختنكت واني اكول شلون تجي وحده وتسمعه وتشاركه كلشي وتنطي الي اني مستحيل انطي

انهاريت ابجي صار خمس ايام مشتاقتله وماانام الا واني اخر صوت صوته اسمعه وعيوني تشبع من صورته وممكتفيه
هالشي مو كافي الي ..اني اتعودت على حضنه وشلون ادينه تحاوطني وكل ليله قريب منام يهمسلي

..شيصير لو ينفتحن اضلاعي وازرعج بنص گلبي بلكي يهدأ ويبطل يتسارع بقربج ويعذبني

مره منهن ابتسمت بتعب من النعس وجاوبته

..هالشي مستحيل بس اذا قربي يعذبك اني ابتعد عنك واريحك

..تبتعدين لج ؟ هذا حلج !.. ناويه توگفي فدمره وتموتيني بحسرتي

..اسم الله عليك حبيبي يموت عدوك يارب

ضحك ورد عليه

..لج لا اخويه خطيه ميستاهل

..واخوك شعليه

..ماعندي عدوو ولا اكره احد بس وحده اكرهه وتكرهني وهي روح اخوي وحبيبته الخاطر عيونه متحملها

..ههههه خرب تقصد ميلاد ليش هيج تضوج منها

..لأنها ابساطه مو ادميه وتنگط سم متشوفيها شلون تباوعلي والج اكو كره بعيونها اقراه واضح الي بس شگد مااريد اعرف اسبابه مجاي اعرف شنو الي يخليها تحقد الهالدرجه اني ماعندي شي وياها مجرد مواقف واني مو طرف بيها تصدف وياي

..اني مااشوف هذا الشي انت تضوج منها وتتحسس البنيه ممأذيتنه الي صار عادي يصير بكل البيوت

..لأنها مو لاگيه فرصه تبث بي سمها كله ..محد ناطيها مجال بس صدگي لو اكوو مجال ولگت فرصه مراح تقصر