عشق الروح بقلم مريم محمد

البارت السابع

وقفنا في البارت السابق لما فريدة كانت بتكلم هالة على التليفون وبتحكلها اللى عاملة جوزها وانة إزاى لاغها من حياة ابنها علشان خاطر اختة العقربة زى ما بتقول عليها فريدة.... تعالوا نشوف اية اللى هيحصل مع بعض⁦❤️⁩⁦❤️⁩⁦❤️⁩

ردت هالة قائلة:ماشى يا فريدة بس سارة نزلت من شوية وكنت بسألها رايحة فين حتى مردتش عليا وسابتنى ومشيت..وبتوقع إن ممكن تيجليك هى بتحبك أرجوكى يا فريدة لو جتلك كلميها

ردت فريدة قائلة:ماشى..متقلقيش كل شئ هيبقى تمام..وأنهت فريدة المكالمة مع أختها لقت سارة مندفعة وفتحت
الباب بعصبية شديدة تجاهلت فريدة عصبيتها وطريقة دخولها لمكتبها و تحدثت فريدة بهدوء قائلة: أهلا يا سارة تعالى اقعدى واقفة عندك لية...تقدمت سارة وقعدت قصاد فريدة وتحدثت بنفس عصبيتها قائلة:خالتى فريدة انتى ازاى ساكتة على اللى بيحصل دة..إزاى يحيي يتجوز واحدة زى دى ها هو دة وعدك ليا يا خالتى... أنا معرفش طلعتلى من أنهى داهية ربنا يخودها...بقى أنا استنى العمر دة كلة علشان هى تيجى تاخدة منى

ردت فريدة قائلة:سارة حبيبتى اهدى شوية.. صدقيني أنا كنت عايزاكى ليحيى بس كل اللى حصل مش بإيدى غصب عنى ويحيى خلاص للأسف هيتجوز حنان يوم الجمعة اللى جاية أنا حاولت أعترض وحصلت مشكلة كبيرة بينى وبين جوزى لدرجة وصلت للطلاق..أرجوكى يا سارة قدرى موقفى

سارة بدموع:ومين يقدر موقفى أنا ها.. أنا بحب يحيي ومقدرش أعيش من غيرة أبدا.. أصلاً مش متخيلة حياتي مع حد غيرة أبدا.. انتو لية بتعملوا فيا كدة وكل واحد فيكو يقولى قدرى موقفى ها.. وأنا أصلاً فين من كل دة

ردت فريدة بقلة حيلة قائلة: أنا بصراحة يا سارة دلوقتى فى أضعف حالاتى وأنا اتقبلت الموضوع وياريت انتى كمان تتقبيلة وتشوفى حياتك ولازم تنسى حبك ليحيي حبيبتى مفيش حاجة بتقف على حد...بس ادى لنفسك فرصة وافتحى صفحة جديدة وابدئى عيشى حياتك..ربنا مش مقدرلكو تعيشو مع بعض

قامت سارة مشيت من غير ما تتكلم ولا كلمة وفريدة قعدت تندة عليها كتير بدون أى جدوى سارة نزلت ركبت عربيتها وبدأت فى سوقتها والدموع نزلة على وشها مسكت الموبايل واتصلت على يحيي...وفى الوقت دة يحيي كان فى مكتبة وسمع رنة موبايلة رد من غير ما يبص مين المتصل وأول ما يحيي فتح الخط تحدثت سارة بصوت مخنوق من الدموع قائلة:خلاص يا يحيي هتتجوز الجمعة اللى جاية

رد يحيي بقلق من صوت سارة قائلا:سارة اهدى وقوليلى انتى فين دلوقتي

ردت سارة بعصبية اكتر من الاول قائلة:ملكش دعوة بيا..رد عليا هتتجوز يوم الجمعة اللى جاية يا يحيي

رد يحيي بتعب وهو حاسس إن الكل بيضغط علية ومش عارف يعمل اية تحدث قائلا:سارة صدقيني بابا مسبليش أى خيار تانى حاول...وفجاءة أثناء ماكان بيتكلم سارة قفلت الخط فى وشة وانهارت فى العياط وصلت لبيتها وطلعت على اوضتها على طول..وبعد مرور عدة ساعات مع حلول المساء نجد سارة تجلس في غرفة اللفينج روم بتتفرج على فيلم أكشن وأثناء ما كانت بتتفرج شردت فى حياتها وحبها ليحيي اللى مش قادرة تتخلص منة وفى كلام أمها وكلام خالتها إن هى تعيش حياتها طبيعى وكإن الموضوع سهل بالنسبة ليها وكإنها مش إنسانة وعندها مشاعر وكإنها آلة حبى دة واكرهى دة وأثناء شرودها بصت جنبها وجدت طبق فاكهة وعلية سكين مسكت السكينة وهى نظراتها غريبة جدا وقربتها من ايدها وشريط ذكرياتها مع يحيي بيمر قدمها والدموع نزلة من عينيها واغمضت عينيها بقوة وفجاءة قطعت شرايين ايدها والدم نازل من ايدها ومسكت الموبايل واتصلت على يحيي....وفى نفس اللحظة يحيي كان قلقان ومش عارف ينام من الضغوط اللى علية حاسس إن النوم كمان اتحالف ضدة موبايلة رن وكان المتصل سارة فتح الخط وتحدث قائلا:ألو...سارة

سارة:؟؟؟؟

يحيي:سارة. يا بنتى ردى عليا

سارة:؟؟؟

يحيي بذعر وقلق: سارة ردى بقى... أنا هقفل واجيليك. وبالفعل قفل يحيي الخط قام بسرعة اخد مفاتيح عربيتة ونزل بالهدوم اللى علية وركب عربيتة وساق بأقصى سرعة لحد أما وصل فى وقت قياسى يحيي قعد يخبط على الباب جامد وبسرعة لحد ما الخدامة فتحت لة الباب وأول ما سمع صوت خالتة بتعيط جرى على جواة وأول ما شاف سارة فاقدة الوعي وايدها بتنزف راح شالها بسرعة وهالة وراة عمالة تعيط على بنتها والحال اللى وصلتلة.. يحيي حط سارة فى الكنبة اللى ورا وقعدت جنبها هالة وركب يحيي وساق أسرع من الأول لحد أما وصل للمستشفى نزل من عربيتة وشال سارة وأسرع لدخول المستشفى الممرضة شافتة اصطحبتة لغرفة الكشف وتحدثت قائلة:اتفضل دخلها الاوضة دى وهروح أجيب الدكتور وهاجى بسرعة...أومأ لها يحيي برأسة علامة الموافقة ودخلها يحيي الاوضة وريحها على السرير ومفيش ثوانى ودخل الدكتور ووراة الممرضة وتحدثت قائلاً:بعد إذن حضرتكو اتفضلو برا دلوقتى

أومأ يحيي برأسة علامة الموافقة واصطحب خالتة وخرجوا منتظرين الدكتور يطمنهم والصمت تالتهم....وبعد مرور ساعة خرج الدكتور وأول من قطع الصمت تحدثت هالة من بين دموعها قائلة:ها يا دكتور بنتى عاملة اية... كويسة صح

رد الدكتور قائلا: الحمدالله إنكو لحقتوها فى الوقت المناسب لو كنتو اتأخرتو شوية كمان كان الوضع هيبقى خطير جدا

ردت هالة من بين دموعها قائلة:أقدر أشوفها

رد الدكتور قائلا:تقدرى بس هى نايمة دلوقتى ومش حاسة بأى حاجة
ردت هالة قائلة:ماشى أنا لازم ابقى جنبها لغاية ما تفوق...وانصرفت هالة تحت نظرات الدكتور ويحيي..تحدث الدكتور قائلا:كويس إن هى مشيت

رد يحيي باستغراب قائلا: لية يا دكتور خير

رد الدكتور بعملية قائلا: للاسف يا أستاذ يحيي دى حالة إنتحار واضحة جداً أنا مضطر اخد الإجراءات اللازمة في الحالة دى

رد يحيي قائلا: أرجوك يا دكتور تقدر الحالة اللى إحنا فيها وياريت ننهى الموضوع دة ودى

رد الدكتور قائلا:ماشى نظرا لظروف اللى بتمرو بيها..بس عايز أنبهك إن أنسة سارة ممكن تكرر الموضوع دة تانى ياريت تحاولو تبعدوها عن أى حاجة تزعلها ولازم تتابع مع دكتور نفسى علشان الموضوع ما يتطورش عن كدة...عن إذنك

رد يحيي بامتنان قائلا: متشكر جداً على تفهمك للوضع ومتقلقش هشوف الموضوع دة بنفسى....اتفضل وبعد رحيل الدكتور ذهب يحيي لغرفة سارة لاقها لسة نايمة وهالة جنبها بتملس على شعر ابنتها وبتتلمس ملامح وجهها الشاحبة وبتفكر لو كان حصلها حاجة ومقدرتش تلحقها..إزاى تقدر تعيش من غيرها وفاقت من شرودها على صوت يحيي وهو يتحدث قائلا:متقلقيش يا خالتى إن شاءالله هتبقى كويسة والدكتور قالى إن حالتها مستقرة..إطمنى

ردت هالة من بين دموعها قائلة:يا يحيي أنا مش مصدقة لحد دلوقتي إن بنتى حاولت تموت نفسها وتنتحر بالطريقة دى بنتى كرهت الدنيا على قد ما كانت بتحبك وانهارت هالة فى العياط على حالة بنتها اللى وصلتلها ونسيت إن هى واختها السبب الرئيسي وخلوها تتعلق بيحيي ( تعلق مرضى)

يا ترى يحيي هيتعامل مع سارة إزاى بعد محاولتها فى الانتحار 🤔🤔

وهل هيقدر يساعدها تتخطى الازمة دى 🤔🤔

تابعونى فى البارت القادم إن شاء الله مع تفاصيل أكتر⁦❤️⁩⁦❤️⁩⁦❤️⁩⁦❤️⁩