عشق الروح بقلم مريم محمد

السادس والعشرون

وقفنا في البارت السابق لما يحيي مسك إيد حنان ونزلوا وركبوا العربيه وانطلق يحيي حيث فيلا ساره... تعالوا نشوف هيحصل ايه مع بعض⁦❤️⁩⁦❤️⁩⁦❤️⁩

وصل يحيي أمام فيلا ساره ركن عربيته ونزل هو منها وراح ناحية حنان وفتح الباب ليها وأخد الهديه اللى هيديها لساره وهي عباره عن برواز كبير وملفوف بشكل شيك ومشيوا جنب بعض ودخلوا الحفله أول ما ساره لمحتهم رحبت بيهم وتحدثت قائله: أهلاً حنان أول مره تيجي بيتي لو كنت أعرف كنت عملت عيد ميلادي أكتر من مره علشان تيجي

إبتسم يحيي وتدخل في الحوار بمزح قائلاً:ااااااااه وماله ما انتى مش خسرانه حاجه إنتى تعملي عيد ميلاد والهدايا تنزل عليكى أد كده.....وقدملها يحيي الهدايه بإسمه ويإسم حنان وواصل حديثه قائلاً:إتفضلي يا ستي كل سنه وانتى طيبه

حنان قدمت التهنئه كذلك ل ساره قائله:كل سنه وانتي طيبه يا ساره وعقبال ميت سنه

إبتسمت ساره ونظرت ل يحيي ووجهت حديثها ل يحيي قائله:إنت أصلاً مجيتك عندي أحسن من مليون هديه...ومسكت إيد حنان وواصلت حديثها ليه قائله:عن إذنك بقي هعرفها على أصحابي وبعدت عن يحيي بمسافه بس هو عينه مفارقتش حنان طول الوقت وخايف عليها حاسس إن هي طفلته وعايزها على طول معاه وخايف ل ساره تجرح حنان بأي تصرف من تصرفاتها

وبالفعل أخدت ساره حنان في وسط أصحابها اللى يشبهون ساره كثيراً فى ملابسها الضيقه والقصيره والميكب المبالغ فيه وتحدثت ساره قائله:حنان بعرفك على سما وهي تشاور بيدها اتجاه أصدقاءها ودى بقي نادين...بنات بعرفكم على حنان أحمد ورحبوا بيها البنات وواصلت ساره حديثها بسخريه قائله:عارفين انتوا بنت المدينه اللى بتتفرج على بنت الريفيه الحلوه وهي بتتجوز أحلي شاب زي قصة حنان بالظبط عارفين انتوا الأفلام العربي القديمه اللى الأهل بيجبروا ولادهم إنهم يتجوزوا وهما بيقولوا وغيرت نبرة صوتها بطريقه تهكميه الجوازه دى مش ممكن تتم ويقوم العم الكبير يحط المسدس براسهم ويجبرهم إنهم يتجوزوا علشان ينقذ سمعة العيله زي قصة حنان ويحيي وضحكت ضحكه صفره مليانه غل وانتقام

ردت سما بزعل مصطنع على ساره قائله:ساره إنتى زودتها أووى..سيبك منها حنان فستانك حلو جداً بس قوليلي هو إنتى معزومه في فرح بعد الحفله...ضحكت ساره من سخرية صديقتها على حنان

ردت حنان بإستغراب وهي بتبص على فستانها: لأ...ليه

تحدثت نادين هي الأخري قائله: يبقي إنتى أكييد من الريف

ردت حنان: لأ أنا من القاهره

تحدثت ساره مصطنعه الزعل من أصدقائها قائله: في إيه إنتى وهيا إيه الاسئله اللى ملهاش اي لازمه دى

ردت سما وهي بتوجه حديثها ل حنان قائله:ولسه أهلك في القاهره ولا هنا

ردت حنان بحزن لذكرى والديها قائله:بابا وماما متوفيين