عشق الروح بقلم مريم محمد

البارت الرابع عشر

وقفنا فى البارت السابق لما حنان انهت المكالمه مع زهره.... وزهره قعدت تدعى لحنان بصلاح الحال بينها وبين جوزها وإن ربنا يألف قلوبهم على بعض ويقربهم من بعض....... تعالو نشوف هيحصل إيه مع بعض🌹🌹🌹🌹

وفى صباح اليوم التالي كانت حنان بتتمشى فى جنينة الفيلا شارده وحزينه وضايعه فى أفكارها وفجاءه شافت ساره قدامها تحدثت ساره قائله:مرحبا حنان

ردت حنان:أهلا ساره

ردت ساره:عامله إيه يا حنان

ردت حنان:الحمد الله كويسه.... اتفضلي

ردت ساره:أمال فين خالتى مش شايفه حد يعنى

ردت حنان:هما كلهم خرجو من ساعه كده بس خالتى قالت إن هى مش هتتأخر وهترجع على طول

ردت ساره:طب تعالي نقعد مع بعض شويه

وقعدت حنان وساره فى الجنينه يتحدثو فيما بينهم.... تحدثت ساره قائله:حنان أنا حابه أقولك على حاجه... عايزاكي تسامحينى على اسلوبى معاكى فى اليوم إللى جتلك وكلمتك فيه... أنا عارفه انى أذيت مشاعرك وجرحتك بكلامى مش عارفه إزاي أنا كلمتك كده أصلا...حقيقي أنا مكسوفه منك ومن نفسى جدا

إبتسمت حنان بود ومسكت ايد ساره بتلقائيه شديده وردت قائله:مفيش مشكله أبداً يا ساره إنسى

ردت ساره:عايزاكي تنسى كل الكلام إللى قولتهولك.... أنا بصراحة كنت مجروحه جدا وعرفت إن يحيي مش من نصيبى بس على الأقل صديقي وبتمنى إنك تقبلى صداقتنا أنا ويحيي...... إنت بنت زيى وأكيد هتفهميني وتقدرى مشاعرى كنت دايما أحلم بإن يحيي هيكون نصيبى بس فوقت منه خلاص صعب جدا إنك تكوني متوقعه حاجه ويحصل العكس تماما... بجد أنا أسفه.... بس يحيي صديق طفولتى وكنا على طول مع بعض مابنتفرقش إلا عند لحظة النوم كنت كتير بكره النوم علشان بيفرقنا عن بعض.... فكان الموضوع صعب عليا جدا انى أتقبله... بس خلاص هو دلوقتي صديقى مش أكتر من كده

ردت حنان بتأثر من كلام ساره قائله:انتو طول عمركو أصدقاء من زمان وهتفضلوا أصدقاء يا ساره وأنا م عنديش أي مانع على صداقتكو...

ردت ساره:عارفه أنا مش حابه أبقى صديقته هو بس أنا كمان حابه أكون أعز صديقه لمراته كمان.... قوليلى يا حنان تقبلى انى أكون صديقتك إنتى كمان والاهم إنك تكوني مصدقه كل الكلام إللى قولته

ردت حنان ببراءه وطيبه:طبعا أنا مصدقه كل إللى انتى قولتيه وزى ما انتى صديقة جوزى بتمنى إنك تكوني صديقتى أنا كمان

ردت ساره قائله:مش عارفه أشكرك إزاى معنديكيش فكره أنا إرتحت قد إيه دلوقتي لما سامحتينى.... إنتى طيبه قوى يا حنان وأنا مبسوطه إن بقى عندى صديقه بالطيبه والنقاء ده كله

ردت حنان بإبتسامه جميله:وأنا كمان مبسوطه إن بقى عندى صديقه ظريفه ومرحه زيك كده يا ساره