عشق الروح بقلم مريم محمد

الثاني والعشرون

وقفنا فى البارت السابق لما ساره كلمت يحيي فى التليفون وهى منهاره تستنجد بيه تعالو نشوف يحيي هيعمل إيه مع بعض🌹🌹🌹🌹

رد يحيي بخوف وقلق قائلا:ساره أرجوكى إهدى بس وقوليلى فى إيه

ردت ساره ببكاء:الله يخليك يا يحيي تعال بسرعه مش هينفع الكلام فى التليفون أنا هستناك...... وقفلت ساره السكه بدون ما تدى فرصه ليحيي إنه يرد عليها

تحدثت حنان قائله:إيه مالها ساره

رد يحيي بإستغراب:مش عارف مالها كانت بتكلمني وهى منهاره..... بصى أنا هروحلها وإنتى خليكى جاهزه هروح أشوفها بسرعه وهعدى عليكى نروح نتغدا سوا ماشى...... ورحل يحيي سريعا تحت نظرات حنان المبهمه

وصل يحيي أمام فيلا ساره و ركن عربيته ونزل منها لقا ساره منهاره فى الجنينه تحدث يحيي قائلا:فى إيه يا ساره مالك قلقتينى عليكى.... إحكيلى إيه إللي حصل لكل ده

ردت ساره ببكاء:ماما يا يحيي.... ماما كلمتني وعايزانى أتجوز وطول الوقت بدورلى على عريس وعملت مشكله معاها

رد يحيي بعصبيه و بحده قائلا:بقى كل إللي إنتى عاملاه ده علشان موضوع تافهه زى ده خلتينى أسيب كل حاجه ورايا وأجيلك على ملا وشى وده غير القلق اللى كنت فيه

ردت ساره بعصبيه أكبر:ممكن يكون الموضوع بسيط وتفاه بالنسبالك لكن بالنسبه لى أنا الموضوع كبير جدا

رد يحيي بعصبيه وبصوت عالي قائلا:بس أمك عندها حق يا ساره...... نظرت له ساره بذهول وواصل يحيي حديثه غير عابئا بدموعها قائلا:مش هتفضلى طول العمر لوحدك يا ساره إنتى لازم تتجوزى وعندك أنا أهو أكبر مثال قدامك أنا ماكنتش متقبل جوازى من حنان خالص بس بعد كده إتأقلمت

ردت ساره بجنون وعصبيه:متقارنش أبدا وضعك بوضعى يا يحيي إنت مثال بعيد قوى ومفيش وجه مقارنه أبدا... أنا عارفه إن إنت محبتنيش بس أنا عمري فى حياتى ما حبيت حد غيرك ومش متخيله إنى أتجوز واحد غيرك يا يحيي ويكون جوزى حاولت كتير صدقنى بس كمجرد الفكره ذات نفسها بتخنقني يا يحيي وفشلت فشل ذريع إنى أنساك وأعيش حياتي زيى زى أى بنت

حاول يحيي يهدي نفسه شويه علشان يحاول يقنعها إن لازم تنساه وتتجوز وتعيش حياتها وتحدث بهدوء وشفقه على حالها وهو مش بإيده أي حاجه يقدمهلها قائلا:بس يا ساره أنا دلوقتي خلاص إتجوزت وبالطريقه بتاعتك دي بتدمرى حياة تلات أشخاص وانتى أولنا وده مينفعش أبدا

ردت ساره من بين دموعها:صدقنى يا يحيي أنا حاولت أتقبل جوازك حتى إتقبلت كمان إنى مش هعيش العلاقه اللى بحلم بيها طول عمرى من غير ما أفتح بؤى بولا كلمه بس أنا مش هسمح أبدا لأى حد ييجى ياخد مكانك فى قلبي مهما حصل...... أنا عندي مشاعر يا يحيي مش زى الهدوم القديمه إللي بتترمى فى الزباله واجيب هدوم جديده ياريت الموضوع كان بسيط كده يا يحيي ياريت إللي أنا حاسه بيه حاليا إنى محتاجه وقت أرمم قلبى واتحكم فى مشاعري
أكتر من كده بس للأسف ماما مش قادره تفهمنى قولى كتير عليا إن أخد الوقت إللي محتاجاه