عشق الروح بقلم مريم محمد

الثالث و العشرون

وقفنا فى البارت السابق لما ساره كانت بتكلم مع حنان بإلحاح شديد وبتسألها بتقضى وقتها إزاي تعالو نشوف حنان ردت عليها وقالتلها إيه وشكل الحوار عامل إزاي بينهم🌹🌹🌹🌹

ردت ساره بإلحاح:معقوله مفيش جديد فى حياتك

ردت حنان:عادى يعنى الطبيعي برتب بعض حاجات فى البيت وبساعد فى الاكل و ترتيب المطبخ وكده يعني ولما بخلص بفضل قعده مش بيبقى في حاجه تتعمل أصلا

ردت ساره بابتسامه ونبره خبيثه:إنتى لازم تخرجى نفسك من جو الروتين ده وكمان يحيي مش بيحب الستات إللي طول الوقت بتبقى مشغوله بشغل البيت والمطبخ ومبتهتمش بنفسها تخيلى بيقول عليهم إيه... بيقول عليهم إنهم دايما ريحتهم بصل وتوم

تغيرت ملامح وجه حنان لضيق بس أخفتها بمهاره شديده تحسد عليها وردت قائله والابتسامه مرسومه على وجهها البرئ :سيبك انتى من الموضوع ده دلوقتي وقوليلي تحبي تشربي إيه قهوه ولا شاي

ردت ساره:لأ مفيش داعي تتعبي نفسك أنا جيت علشان أتكلم معاكي... وبصراحه محبتش أكلم معاكى فى التليفون عايزه أتكلم معاكي فيستو فيس.... وواصلت ساره حديثها وهى مصطنعة التردد قائله:ااا.. إمبارح بوظت عليكو الخروجه و البروجرام بتاعكم وخليت يحيي يسيب كل حاجه ويجيلى... بتمني إن الموضوع ده ميكونش ضايقك

ردت حنان بطيبه وبراءه وحسن نيه كالعاده قائله:أبدا وليه أضايق... إنتى ويحيي أصدقاء طول عمركو وأنا مراته يعنى صداقتكو ليها مكانه وأنا ليا مكانه تانيه خالص صح

ردت ساره بسخريه:عندك حق أنا مكانه وإنتى مكانه... إنتى عارفه إن يحيي صديقي الوحيد وبيحكيلي كل حاجه في حياته لدرجة إني ساعات بنسى إنه صديقى وبزعجكم فى أوقات مش لطيفه

ردت حنان بنفس الابتسامه:ساره متقوليش كده إنتوا أصدقاء وواجب الأصدقاء إنهم يقفوا جنب بعض في أزماتهم وأنا مبسوطه جدا بصداقتكم دى

ردت ساره بأليه شديده:ممتاز... بجد طمنتيني كنت قلقانه لتكوني زعلانه ولا حاجه... أستئذن أنا بقى علشان أرجع على الشركه.....ساره قامت وقفت وحنان كمان علشان تودعها وبالفعل ودعتها حنان بابتسامه جميله ورحلت ساره.......

وبعد مرور عدة ساعات رجع يحيي من عمله على أذان العصر دخل الحمام أخد شاور وأدى فريضة العصر وبعد ما انتهى أخد اللاب توب بتاعه وقاعد عليه دخلت حنان عليه الأوضه وكانت جيباله القهوه بتاعته وهو أخدها منها وقعدت قصاده محتفظه بالمسافه بينهم وشرب يحيي من القهوه وتحدثت حنان قائله:قولى رأيك إيه فى القهوه

رد يحيي بابتسامته اللى تخطف الأنفاس قائلا:انتى اللى عملاها

ردت حنان:أيوه

رد يحيي بنفس الابتسامه:عايز أقولك حلوه جدا جدا تسلم إيدك

بدلته حنان الابتسامه وعماله تفرك فى ايدها بتوتر يحيي حس إن هى عايزه تقول حاجه وكل شويه يبص عليها ف تحدث قائلا:فيه إيه مالك.... قولى اللى انتى عايزه تقوليه من غير كل التوتر ده