عشق الروح بقلم مريم محمد

البارت الثالث عشر

وقفنا في البارت السابق لما يحيي نزل من مكتبه ورايح يتعشا مع سارة.....تعالو نشوف هيحصل ايه مع بعض⁦❤️⁩⁦❤️⁩⁦❤️⁩⁦

وصل يحيي للمطعم المنشود ودخل لقا ساره في انتظاره....

فى فيلا الحسينى على السفره بالتحديد قاعد أشرف على رأس المائده وعلى يمينه فريده وعلى شماله حنان يتحدثون فيما بينهم تحدث أشرف قائلاً:يحيي لسه مجاش لحد دلوقتي ده اتأخر قوى

ردت فريدة:أيوة هو كلمنى من ساعه كده وقالى إنه هيتأخر شويه

أشرف وهو بيوجه حديثه لحنان قائلاً:يحيي كلمك أو إتصل بيكى النهارده

ردت حنان قائلة:لأ..خالو

فريدة وهى بتكلم حنان قائلة: حبيبتى مبتكليش ليه خدى دوقى ده هيعحبك جداً وبعدين أنا عايزاكى تخلصى كل الأكل اللى قدامك ده مفهوم

إبتسمت لها حنان فى هدوء ومدت ايدها تاخد الطبق من فريده تحت نظرات أشرف السعيده والمشفقه عليها فى نفس الوقت سعيد إن المعامله بين مراته وحنان بقت كويسه جداً مكنش متوقع كده خالص..ومشفق عليها بشده إن إبنه بيتجاهلها طول الوقت وإن العلاقه اللى ما بينهم مافيهاش أى تطور يذكر....

فى المطعم عند يحيي وساره...تحدثت سارة قائلة:اتأخرت ليه كده في الشركه

رد يحيى:مش بحب أرجع على البيت بدرى..

ردت سارة: إيه ده بجد

رد يحيى:ايوه طبعاً بجد

ردت سارة:فيه ايه يا يحيى مالك احكيلى حنان برضه

رد يحيى:مش محتاجه ذكاء علشان تخمنى يعنى أيوه يا ستى حنان

ردت سارة:مالها ست حنان بقى مزعلاك ليه

رد يحيي: ساره أنا فى البيت عايش مع إنسان الى إذا بطلب منها تقوم بتقوم وإذا بطلب منها تقعد بتقعد مش عارف إزاى أتصرف معاها أنا أحيانا بغير من نفسى كتير علشانها... العلاقه بينا فاتره وبارده وممله جداً كمان مش عارف أتعامل معاها إزاى أو بأى طريقه معندهاش أى مشاعر ولا أى حاجه

ردت سارة قائلة:إهدى بس يا يحيى..طب إنت محاولتش تقرب منها

رد يحيي: طبعاً حاولت...بس أنا مش عايز أعيش طول حياتي مع واحده أنا مش عاوزها ولا بتمناها زوجه ليا مش عايز أفضل مع واحده ضعيفه

ردت سارة:بتوقع إن هى حاسه بالفرق اللى ما بينكو يعنى فكر معايا كده إنت فاكر إن أنا وانت اللى حاسين بالفرق إللى ما بينكو شئ طبيعي تكون هى كمان حاسه ب ده إنت أكتر واحد عارف هى وامها كانو عايشين إزاى يدوبك الاكل والشرب على الاقد وبيشترو أبسط الأشياء فى الحياه لازم تديها شويه وقت علشان تتأقلم على العيشه الجديدة عليها و أكيد هتاخد وقت على ما تقدر تتعايش معاك الموضوع صعب عليها لازم تديها شويه وقت