عشق الروح بقلم مريم محمد

البارت السادس عشر

وقفنا فى البارت السابق لما هاله نادت على ساره و سألتها ليه مارحتش الشغل النهارده....... تعالو نشوف هيحصل إيه مع بعض🏵️🏵️🏵️🏵️

ردت ساره بحده قائله:بصى بقى إنتى حره تقولى إللى إنتى عايزاه.... بالرغم إن إنتى عارفه إن يحيي مبيحبش يجيب سيرة حنان لا وكمان عايزاه ييجبها معاه هنا وبعدين تقومى وتعتذرى بكل بساطه تعرفى قالى إيه بعد أما قومتى يا ماما.... قالى إنك مش حابه إنه ييجى هنا تانى... مش ده إللي إنتى عايزه توصليه لييه بس على فكره إنتى كنتى مكشوفه قوى يا ماما

ردت هاله بحنان اموى:صدقيني يا ساره أنا مش عايزه غير مصلحتك يا بنتى.... إنتى كل حياتى ومستحيل أشوف بنتى ماشيه في الطريق الغلط واسيبها... مش حابه إنك تكملي فى الطريق ده لإنه أخره مش كويس يا حبيبتي وإنتى الوحيده إللى هتطلعى خسرانه يا ساره... صدقيني يا بنتى أنا أمك وخايفه عليكى ومستحيل أضرك أبدا

ردت ساره لكى تستعطف أمها قائله:أرجوكى يا ماما لو إنتى فعلا بتتمنيلى الخير سيبنى أعمل اللى أنا عايزاه من غير أى تدخل منك يا ماما

فى فيلا الحسينى عند حنان وبسمه يتحدثون فيما بينهم... تحدثت بسمه قائله:صدقيني أنا فاهمه مشاعرك كويس قوى بس أمك أخدت القرار الصح كل إللى إنتى محتاجاه شوية وقت وبعد كده كل حاجه هتتحسن من تلقاء نفسها... إهدى وإسمعينى كويس الوقت كفيل إن الامور تتصلح ما بينكو إن شاء الله... بس إنتى لازم تكونى إيجابيه أكتر من كده وتعرفى إنك مش أقل من أى حد أبدا إنتى بنت كويسه جدا أصلا لو يحيي لف الدنيا كلها مش هيلاقى زيك لازم يكون عندك ثقه فى نفسك والحاجه إللى إنتى مش عرفاها إن يحيي محظوظ جدا علشان اتجوزك... هو بنفسه هيكتشف كده لما يعرفك كويس

ردت حنان وهى مبتسمه:إنتى صديقة عمرى علشان كده شايفه فيا كل حاجه حلوه

ردت بسمه الابتسامه لصديقتها حنان قائله:ليه شايفاني بقول أى كلام وخلاص يعنى... إنتى بس إللى مش عارفه قيمة نفسك.... بصى أنا اتأخرت دلوقتي أنا همشى وأول ما تجيلى الفرصه هكلمك واجيلك على طول

ردت حنان بابتسامه:اوعدينى تعملى كده فعلا

ردت بسمه:أوعدك

وحضنو الصديقتان بعضهم البعض والابتسامه مرسومه على وجه كلا منهم على وعد باللقاء مرة أخرى وبعد رحيل بسمه كان رجع خالها من الشركه بدري علشان يقضي معاها بعض الوقت علشان متحسش بالوحده وكانو قاعدين عند حمام السباحه يتحدثون فيما بينهم أشرف وهو ماسك الكتاب تحدث قائلا:الكتاب بيكون أحسن صديق للإنسان واذا الإنسان بجد رافق الكتاب ف بيكون فعلا صديقه الوحيد... ودلوقتى اسمحيلى أقرالك حاجه هتعجبك جدا وحلوه قوى... تعرفى إنى طول عمرى بحب قرأءة الكتب

ردت حنان بحماس:واضح فعلا... خالو إنت بجد بتحب قرأءة الكتب قوى كده

رد أشرف بحماس مماثل لحماس حنان قائلا:أيوه طبعا... أنا أصلا ورثت حب القرأءه فى حد ذاتها من ستك وجدك الله يرحمهم.... وبعد كده يحيي ورث منى حب القرأءه برضه ودلوقتي الدور عليكى إنتى... لازم تقرئى إنتى كمان