عشق الروح بقلم مريم محمد

الرابع والعشرون

وقفنا فى البارت السابق لما يحي راح لوالدته فى المكتب علشان يوصلها لأن عربيتها عطلت تعالو نشوف شكل الحوار بينهم هيبقي إزاي🌹🌹🌹🌹

تحدثت فريده قائله:قولى بجد عطلتك عن حاجه

رد يحيي قائلا:لا أبدا... أنا كده كده كنت مروح على البيت علشان كمان ساعتين كده هحضر ندوه فى قاعة *****وساره أصرت إنها تحضر معايا

ردت فريده:أممممم... طب كويس... مش شايف إنك بقيت ترجع على البيت بدرى... عموما كويس أبوك دلوقتي بيكون مبسوط كان على طول زعلان وشايل الهم وكان حاسس دايما بالذنب اتجاهك وخصوصا لما كنت بتتأخر برا البيت... ف علشان كده هو كمان دايما بيهرب من البيت بالشغل..... بس قولي إنت مبسوط

رد يحيي قائلا:بصراحه الأول ماكنتش مبسوط وعلى ما أظن إن ماكنتش عايز أعرف حنان أو حتى مهتم لأمرها وكان رأيى فيها قاسي بس لما قربت منها طلعت بنت كويسه وعلى قدر كبير من الثقافه وذكيه وبتعرف تتكلم بلباقه وحتى كمان طلعت بريئه ومبتعرفش يعنى إيه خبث وصريحه لأبعد الحدود ومعتزه بنفسها وبكرامتها كمان حاجه كده متلاقيش زيها..... عارفه ساعات بحس إنها طفله لسه ملوثتهاش الحياه اللى عايشين فيها من كمية البراءه دايما بتبهرنى بحاجات ماكنتش متوقعه أبدا بحس كده إنها بتجمع بين الصفه وعكسها تماما ساعات بتكون تصرفتها فعلا كأنها طفله عندها ست سنين و لو زعلت ممكن ترضيها بأبسط الأشياء وكإنها عندها حاجه كبيره جدا وساعات تانيه بحس إنها شخصيه قويه جدا وعندها قدره تتحدى بيها العالم كله وساعات تانيه بحس فيها بالضعف والانكسار وقلة الحيله وساعات كتير بتكون عنيده لأبعد الحدود وعندها ده بيجنني وساعات كتير بتكون مجنونه بس بحب جننها ده

ردت فريده قائله: ياااااه كل ده ،!!أنا كمان حبيت شخصيتها وهدوءها وأخلاقها.... إنت عارف أنا كنت معترضه على جوازك علشان إنت مش مبسوط بس طالما إنت مبسوط ومش زعلان يبقي أنا كمان مبسوطه

رد يحيي بتسأؤل:يعنى انتى حقيقي حبيتها

ردت فريده بابتسامه:أيوه طبعا طالما إبني حبيبي بيحبها يبقي أنا كمان بحبها.... يالا بينا علشان معطلكش أكتر من كده

رد يحيي:يالا بينا

وبالفعل رحلو فريده ويحيي للبيت مباشرة وكل واحد منهم طلع أوضته دخل يحيي الحمام وغير هدومه لبدله رسميه علشان يحضر الندوه وانتهى يحيي من ارتداء ملابسه وتحدث إلى حنان قائلا:حنان اعملى حسابك تكونى جاهزه علشان أول ما أخلص الندوه هخدك نروح كام موول كده تشتري كل اللى محتاجاه وبعد كده نتعشى سوا مع بعض

ردت حنان بإعتراض:بس يا يحيي....

قاطعها يحيي عن تكملة الحديث قائلا:حنان أنا مش هسمحلك تعترضي أو تطلعى بحجه زى كل مره وبعدين بقي أنا مش باخد رأيك ده أمر حضرتك ولازم يتنفذ وإلا هتصرف تصرف مش هيعجبك خالص وابتسم لها يحيي غامزا إياها بطرف عينه خجلت حنان كثيرا وتوردت وجنتيها سريعا مع دقات قلبها اللى زادت وكإنه هيخرج من مكانه إبتسم يحيي وخرج سريعا قبل ما يفقد أعصابه بسببها وبسبب خجلها اللى بيزيدها جمال على جمالها...... وبالفعل نزل يحيي ووصل للمكان المنشود الذى يقام فيه الندوه وحضر الندوه مع ساره وبعد مرور ساعه ونص من الوقت خرج يحيي وساره من الندوه تحدثت ساره قائله:مش ممكن إيه الندوه الممله دى حاولت كتير جدا انى منامش