عشق الروح بقلم مريم محمد

البارت الثالث

وقفنا في البارت السابق لما حنان وزهرة لقو فاتن واقعة على الأرض ومبتتحركش جريو عليها حنان وزهرة شالوها على السرير وحاولو يفوقوها بس جميع محاولاتهم بائت بالفشل تحدثت زهرة قائلة:حنان خليكى جنبها وأنا هروح أجيب الدكتور وهاجى على طول

ردت عليها حنان بدموع: الله يخليكى يا خالتى بسرعة

ونزلت زهرة وراحت تجيب الدكتور وشرحت لدكتور طبيعة مرض فاتن وإن ميتكلمش قدام
إبنتها لإنها م تعرفش حاجة وإن يقول مجرد إرهاق وإن هى تستريح وإن شاء الله هتبقى كويسة واتفهم الدكتور جدا الوضع وأول ما وصلو ودخلو تحدثت زهرة بصوت عالي شوية علشان تنبة حنان إن هما جم قائلة:اتفضل يا دكتور

حنان أول ما سمعت صوت الباب عدلت حجابها وغطت والدتها والدكتور دخل كشف على فاتن وايدها حقنة علشان تفوق وبالفعل ابتدت فاتن تفوق وتفتح عينيها والصورة مشوشة قدمها واغمضت عينيها وابتدت تفتح من تانى لحد ما الصورة اتضحت ليها فاتن بوهن وصوت ضعيف يكاد يكون مسموع:هو فية اية اية اللى حصل أنا أخر حاجة فاكراها إن قمت علشان أفتح الباب وبعد كدة محستش بأى حاجة

تحدث الدكتور قائلا:متقلقيش دة مجرد إرهاق وسوء تغذية نظبط الحاجات دى وإن شاء الله تبقى كويسة والف سلامة

ردت فاتن على الدكتور:الله يسلمك

وخرج الدكتور وخرجت معاة زهرة توصلة عند الباب والدكتور تحدث قائلا ل زهرة:الوضع بيزيد سوءا المفروض تبدأ بالعلاج الكيماوي فورا المرض بينتشر بسرعة جدا فى جسمها

زهرة:إن شاء الله يا دكتور أنا هحاول أقنعها و متشكرة جدا على تعبك معانا

الدكتور:لا أبدا دة واجبى عن إذنك

زهرة حسبت الدكتور ومشي ودخلت الاوضة عند فاتن وتحدثت قائلة:اية يا ست حنان مش هتروحى تعملى لماما أى حاجة تاكلها ولا ناويه تجوعيها اديكى سمعتى قال اية سوء تغذية

ردت عليها حنان وهى بتمسح دموعها ورسمت ابتسامة جميلة لوالدتها قائلة:بس كدة دة أنا هعملها الأكل اللى بتحبة وباست والدتها وراحت على المطبخ

لما حنان مشيت زهرة قعدت جنب فاتن على السرير و دموع فى عنيها ووجع فى قلبها على صديقة عمرها قائلة:فاتن أنا مش عارفة انتى مكنتيش عنادية كدة اية اللى جرالك الدكتور قالى إن حالتك بتدهور بسرعة كبيرة وإنك لازم تبدئى بالعلاج الكيماوي فورا على فكرة أنا مش هقعد أتفرج عليكى وهسكت أنا هقول لحنان دلوقتى حالا وهى اللى هتتصرف معاكى..... ولسة زهرة بتقوم من جنبها فاتن مسكت ايدها بسرعة ونظرات الترجى فى عنيها تحدثت بصوت ضعيف قائلة:أرجوكى يا زهرة بلاش تعملي كدة لو بتحبيني وبعدين هانت اهى فاضل أسبوع ويجى أشرف وهعرف حنان وهبدأ علاج على طول

زهرة شالت ايدها من ايدين فاتن وردت قائلة:أنا أسفة يا فاتن أنا مقدرش أشوفك كدة واسكت كل اللى قدر علية أنا مش هقول لحنان بس أنا دلوقتي حالا هروح أتصل على أخوكى وهعرفة الوضع كلة وعلى بناء رد فعلة أنا هتصرف أنا مش لسة هستنى الأسبوع بتاعك ده عن إذنك