عشق الروح بقلم مريم محمد

البارت السابع عشر

وقفنا فى البارت السابق لما يحيي وساره قاعدين مع بعض في المطعم يتحدثون فيما بينهم وكان يحيي بيحاول يفهم ساره إن مقابلتهم لبعض طول الوقت مش نافعه خصوصا لما تزوج..... تعالو نشوف ساره ردت عليه وقالتله إيه🏵️🏵️

ردت ساره قائله:يحيي إذا كنت حاسس بالذنب علشان المفروض تقضي وقت مع حنان ف إنت معاك حق لازم تدى فرصه لعلاقتك مع حنان ف بالتالى لازم تدى لحنان شوية وقت من وقتك تقضوه سوا مع بعض و تقربوا من بعض بس لازم تعرف كويس قوى الفرق بين مراتك و أصدقائك... وإنت عارف إنك صديقى الوحيد وإنى بحبك قد إيه ومعنديش إستعداد انى أخسرك أبدا تحت أى ظرف من الظروف

فجاءه شرد يحيي فى أفكاره ف حنان.... عقدت ساره حاجبيها من شروده فجاءه وتحدثت قائله:مالك يا يحيي سرحان فى إيه

رد يحيي قائلا:تعرفى إنى ساعات كتير بفكر في حنان.. أنا شايف إن الجوازه ديه مش ظلم ليا بس لأ ظلم ليها هى كمان.... هى كمان أجبروها عليا لنفس الأسباب.. يعني مش أنا لوحدي بس إللى بعانى من الجوازه دى هى كمان أكيد بتعانى زيى

ردت ساره قائله:خلاص بقى يا يحيي ولعلمك حنان محظوظه جدا إنها إتجوزت شاب زيك حلو ووسيم وغنى كمان هي كانت تحلم بجوازه زي دي أصلا وإنت عارف كده كويس

إبتسم لها يحيي من باب المجامله

وفى المساء فى فيلا الحسينى و بالتحديد فى الجنينه كان قاعد أشرف وحنان يتحدثون فيما بينهم وتحدثت حنان قائله:الموضوع ده طبعا ظلم يحيي جدا أمى طبعا غلطت وإنت كملت على الغلط ده لما سمعت كلامها وغلط فى حق إبنك من غير ما تفكر في العواقب إللي ممكن تحصل بعد كده.. خالو كل واحد مننا بيحب حاجه وبيكره حاجه كل واحد مننا بيبقى عنده أمنيات ورغبات مختلفه... بس إنك تختار بنت على مزاجك وتقوله هى دى مراتك ده أكبر غلط وديه حاجه إنت عارفها إنت وماما

رد أشرف قائلا:حنان أنا بتكلم عنك إنتى مش عن حد تانى وأنا شايف إنك مش مبسوطه

ردت حنان بدموع:خالى أيوه طبعا مش مبسوطه وده طبيعي إزاي عايزينى أكون مبسوطه بجوازه زى دى... أنا مش عاجبني الوضع ده أبدا يا خالى انتو أجبرتو يحيي إنى أبقى فى حياته وفرضتونى فرض على حياته بدون إذن وعايزنى أكون مبسوطه... أنا عمرى ما كنت في بيت مش مرحب بيا فيه أبدا بس أنا دلوقتي عملت العكس بالظبط ودخلت على حياة واحد معندوش رغبه فيا وفى وجودي علشان كده أنا كل يوم بحس بالإهانة ليا وليه... خالو يحيي بيعمل كل حاجه علشانك.. يحيي بيواجهه الظرف إللي إنت أجبرته عليه بكل أدب وإنت طبعا حاسس بيه.. بس أنا مع كل غرورى و كبريائى كل شئ فيا بقى مكسور يحيي شاب قوى وشاب غنى أنا عمرى فى حياتى ما اتمنيت إنى أتجوز شاب غنى أنا كنت عايزه أتجوز شاب بيحبني وبيحترمنى أنا عارفه كويس إن مفيش حد عايزني هنا أنا حاسه إن فى مكان مش مكانى أبدا يا خالو إنت حاسس بيا صح..... وانهارت حنان فى العياط وكانو غافلين تماما عن إللي اتسمر مكانه وسمع كل الحديث إللى دار ما بينهم ومقدرش يستحمل دموع حنان وكان حاسس بنغزه فى قلبه من دموعها الود وده يروح يحتضنها ويمسح كل الألم والوجع إللي عاشت فيه الفتره إللي فاتت... إستغرب جدا من نفسه ومن تفكيره فيها بالطريقه دي طلع اوضته وهو بيحرك رأسه يمين وشمال وكإنه بيطرد أفكاره دى برا تفكيره ودخل أخد شاور وغير هدومه وكان شارد فى حديث حنان وكإنه بيعيده على مسامعه مرة أخرى و أثناء شروده حنان خبطت على الاوضه ودخلت لقت يحيي غير هدومه تحدثت قائله:مساء الخير