عشق الروح بقلم مريم محمد

الفصل الثامن والثلاثون

وقفنا فى البارت السابق لما حنان إعتذرت عن المحاضره وكلمت السواق علشان يوصلها للبيت وبالفعل جه السواق ووصلت للبيت تعالوا نشوف هيحصل إيه مع بعض ⁦♥️⁩⁦♥️⁩⁦♥️⁩

وأول ما حنان وصلت طلعت على طول على أوضتها ولحسن حظها إن ماكنش حد موجود ولا فريده ولا يحيي دخلت الحمام وأخدت شاور لعلها تهدأ وتهدأ أفكارها التى عصفت بها وبعد ما إنتهت حنان قررت إنها تشغل نفسها بقدر الإمكان وقامت بترتيب بعض الأشياء فى غرفتها وفى البيت وبعد كده نزلت للمطبخ وإندمجت كثيراً مع العاملات وأحست بالراحه فى وسطهم وهما كمان حاسوا كإنها واحده منهم حاسوا معاها بأقداميتهم والمعامله الحسنه إللى بتعاملهم بيها وبعد مرور بضعة ساعات تناست فيهم حنان حزنها وإستيائها وطلعت على أوضتها وأخدت نفس طويل وقررت تقعد تذاكر شويه على ما ييجي يحيي لعلها تستفيد بأى شئ وسمت الله وصبت كل تركيزها فى الكتاب إللى موجود أمامها وإندمجت فعلاً لدرجة محستش بالوقت لملمت كتابها وحطتهم على المكتب وإستلقت على السرير وكانت منتظره دخول يحيي فى أى وقت وأثناء إنتظارها داعبها النوم ف ذهبت فى سبات عميق

أما يحيي ف تعمد إنه يوصل للبيت متأخر بسبب أفكاره المشوشه للغايه طلع على أوضته لقى حنان نايمه فضل يتأمل ملامحها ويعاتب نفسه على تلك الأفكار الغبيه التى جعلته يهرب منها فاق يحيي من شروده ودخل الحمام وأخد شاور وخرج من الحمام وأخد مكانه على السرير بجوار حنان ووجهه مقابل لوجهها وقرر إنه يبعد أى أفكار بتبعده عنها لغاية ما غلبه النوم هو الأخر

وفى صباح اليوم التالى قررت حنان إنها مش هتروح الجامعه النهارده سأل يحيي مستفسرا:مش هتروحى الجامعه ليه النهارده فى حاجه

قالت حنان وهى تقترب منه: أبداً مفيش حاجه أصل ماما عازمه ناس أصحابها وأنا كده كده ماليش مزاج أروح الجامعه النهارده يعنى أهو تغيير شويه

قال يحيي بتفهم:ماشى براحتك المهم ده ميأثرش على مستواكى طبعاً

إبتسمت له حنان وإقتربت أكتر وأكتر ورفعت نفسها على أصابعها وشبكت إيديها حوالين رقبة يحيي وقالت:حبيبي متقلقش على بنوتك ده أنا شاطره وأعجبك أووى أوى

قال يحيي ضاحكاً: هههههههه بنوتة إيه بقى شكل كده البنوته كبرت وبقت تتشاقى بجد ماكنتش أعرف إنك بقيتى شقيه كده

حنان نزلت إيديها ونظرت ل يحيي وتحدثت بجديه قائله:يحيي ممكن أطلب منك طلب

قال يحيي بابتسامه:بنوتى الحلوه تؤمر بس مش تطلب

إبتسمت حنان بخجل وقالت برجاء:يحيي أرجوك لو فى أى حاجه مزعلاك أو أنا عملت حاجه تضايقك بدون قصد منى بلاش تكتم فى قلبك وقولى إحنا شركاء مع بعض فى كل حاجه فى الوحش قبل الحلو بلاش تحسسنى إنى هامش فى حياتك وتبعد عنى توعدنى إنك متخبيش عنى حاجه ومتبعدش عنى أبدا