عشق الروح بقلم مريم محمد

الحادى و العشرون

وقفنا فى البارت السابق لما يحيي وأشرف كانو مذهولين إن حنان ب تنادي فريده ب ماما...... تعالو نشوف هيحصل إيه مع بعض❤️❤️❤️❤️

رد أشرف باستغراب قائلا:ماما!!!!!!

ردت فريده لتشاكس جوزها قائله:أيوه ماما إحنا إتفقنا تناديني ب ماما على طول وتقولك إنت يا خالو إنت حر لكن هى تقولى ماما دايما.. عندك أى إعتراض

رد أشرف بمرح قائلا:أبدا يا ستى.. ربنا يهنى سعيد ب سعيده يا حبيبتي

وكان الدور فى اللعب على يحيي وهو حيران مش عارف يحرك أنهى حركه تبقى أصح وعمال يفكر في الحركه إللى هيحركها........ ضحك أشرف قائلا:إيه يا أستاذ يحيي شكلك سرحت شايفه يا حنان وأكيد لما هيلاقي نفسه هيخسر هيتعصب ويسيب اللعب كالعاده

إبتسمت حنان لخالها ورفع يحيي راسه قليلا فى اتجاه حنان من غير ما حد ياخد باله وكان بيسألها بعينيه أنهى حركه أصح وحنان بالفعل كانت مركزه معاه جدا يحيي حط إيده على العسكري علشان يحركه ف حنان أومأت برأسها يمين وشمال بحركه بسيطه تدل علي النفى وهى تنظر إليه قام يحيي شال إيده تلقائيا من عليه ونظر لحنان مرة أخرى وشاورتله حنان بعينيها على إنه يحرك قطعة الوزير حط يحيي إيده عليه ونظر لحنان لكى يتأكد منها ف أومأت برأسها موافقه ف حركه يحيي سريعا وإبتسم لحنان إبتسامة شكر وإمتنان وبدلته حنان الابتسامه....... أما أشرف كان هيتجنن من الحركه إللى حركها يحيي وإللى قلبت موزاين اللعبه تماما بعد أما كان أشرف هو إللى كسبان أصبح فى دائرة الخساره وبقى مش عارف يعمل اية وتحدث باستغراب قائلا:إزاي كده إنت عملت إيه بالظبط إيه الحركه الجديده دى أنا طول الوقت كنت أنا إللي كسبان إزاي قلبتها عليا كده مره واحده....... ف إبتسم يحيي وحنان على إستغراب أشرف وطريقة كلامه تحدث يحيي بمشاكسه قائلا:حبيت بس أثبتلك يا بابا عملى مش نظرى كل إللى أنا بعمله إنى أكسب و بس من غير كلام كتير

وكملو لعب فى جو ملئ بالضحك والمرح وكان يحيي طول الوقت هو إللى كسبان فعلا....... تحدث أشرف بزعل مصطنع قائلا:إنت غلبتنى بس علشان أنا مش رايق بس إصبر عليا أما أفوقلك كده وأروق هوريك اللعب على أصوله وهكسرلك دماغك برضه

و ضحكو جمعيا على كلام أشرف وزعله المصطنع وكان جو أسري مفعم بالحيويه والهزار والمرح والمشاكسه بينهم حقا كان جو أسري رائع وفيه حياه وواصل أشرف حديثه بجديه قائلا:بجد إنت المرادي تفوقت عليا وأنا أعترف بكده

وبعد ما قضو باقى السهره مع بعض كل ثنائي دخل أوضتو أشرف وفريده دخلو أوضتهم ويحيي وحنان دخلو هما كمان أوضتهم أخدت حنان هدوم مريحه للنوم ودخلت الحمام علشان تغير وتنام وكان يحيي فى إنتظار حنان تخلص علشان هو كمان يدخل ويغير هدومه لهدوم مريحه للنوم وبالفعل خرجت حنان وأخذت مكانها على طرف السرير وكان جنبها مجله أخدتها تقرأ فيها قبل ما تنام فى الوقت ده دخل يحيي للحمام علشان يغير هدومه وهو خارج من الحمام جاله تليفون فتح ورد وكان المتصل زميله فى الشركه بيقوله على الارباح الخاصه بالمناقصه الاخيره.... تحدث يحيي قائلا:ماشي وقد إيه طلعت الارباح إتنين ونص فى الميه ضرب ٩٥٠ لحظه بس وجاب يحيي الأله الحاسبه علشان يحسب عليها وقبل ما يطلع المجموع إتفاجئ بحنان بتقوله: ميتين تلاته وسبعين ألف نظر لها بذهول وواصل حديثه مع زميله قائلا:طب بقولك إيه نتكلم بكره فى الشركه فى الموضوع ده فى المكتب ماشى... مع السلامه وأنهى يحيي المكالمه سريعا وإتخذ مكانه على الطرف الأخر من السرير فى مواجهة حنان وتحدث قائلا:برافو... الواحد إللى فى المدرسه يدوبك بيحفظ جدول الضرب بالعافيه بس إنتى أسرع من الأله الحاسبه...