عشق الروح بقلم مريم محمد

الخامس والعشرون

وقفنا في البارت السابق لما حنان كانت بتتمشى في الجنينه ولفت نظرها حاجه غريبه...... تعالوا نشوف مع بعض إيه اللي لفت نظر حنان وهتتصرف إزاي وياترى رد فعل يحيي حيال تصرفها إيه 💖💖

لفت نظر حنان مجموعه من الزرع موجودين في ركن بعيد عن الشمس ف ناديت على الخادم قائله:حسن...تعال حط مجموعة الزرع ده هنا علشان الشمس تيجي عليها

وبالفعل حسن عمل اللى حنان قالتله عليه ودخلت حنان الفيلا ودخلت على المطبخ وفى الوقت ده استيقظ يحيي هو الأخر ودخل الحمام وبدل ملابسه وأدي فرضه ونزل علشان يشوف حنان فين ونزل بالفعل وغير اتجاه واتجه إلى الجنينه علشان يتمشى شويه وفجاءه شاف الزرع بتاعه اللى هو كان موجود في ركن بعيدا عن الشمس يحيي بعصبية وصوت عالى:حسن...حسسسن

وخرجت حنان على صوت يحيي العالى
رد حسن:أيوه يا أستاذ يحيي

رد يحيى بعصبية وانفعال:مين اللي جاب الزرع من هناك ل هنا....الزرع ده مينفعش يتعرض للشمس أبدا... انتوا إيه أغبيه....اتفضل رجعهم مكنهم دلوقتى حالا

ونفذ فعلا حسن ورجع الزرع مكانه كل ده تحت نظرات حنان الخائفه وعايزه تقوله الحقيقه بس من كتر خوفها منه مش قادره تنطق وقبل ما يمشى يحيي تحدث قائلاً:انتى تعرفي مين اللي عمل كده

حنان حطت وشها في الارض وردت قائله:لأ

سابها يحيي ومشى وهي فضلت متسمره مكانها والدموع متحجرة في عينيها ورافضه تنزل وبعد مرور عدة دقائق تحركت حنان ودخلت جوا علشان تعمل الحاجه اللي وراها من المطبخ وترتيب بعض أشياء فى البيت وفى نفس الوقت تلهى نفسها عن الموقف اللي حصل الصبح لحد أما تستجمع شجاعتها وتقول ل يحيي الحقيقه وبالفعل خلصت كل حاجه وراها وراحت جلست مع خالها شويه لأنه مريض واطمنت عليه.... أما يحيي كان جالس في غرفة اللفينج وكان فاتح البلكونه دخلت عليه حنان وراحت عند البلكونه علشان تقفلها وتحدثت قائله:لازم البلكونه تتقفل علشان ما يدخلش حشرات

رد يحيي بمشاكسه: شكلك خلصتي وقعدتى تشكيله منى مش كده

ردت حنان بابتسامه:أيوه....بحكيله قد إيه إنت كويس معايا

رد يحيى بابتسامه:بجد

ردت حنان:أيوه.....بجد

وتغيرت ملامح حنان من الابتسامه للعبوس والحزن على وجهها أثارت فضول يحيي خصوصاً إن هو ملاحظها طول اليوم إنها متغيره ومش على طبيعتها أبدا ف تحدث يحيي قائلاً:مالك يا حنان

حنان واقفه قصاده ووجهها في الأرض وردت قائله:مفيش حاجه

رد يحيي بتأكيد:لأ فيه مالك فيكي إيه من الظهر وانتى مش مظبوطه ومش على طبيعتك أبدا.....إحكيلي

ردت حنان: لأ أبداً مفيش

رد يحيى:انتى متأكده

حنان راحت قعدت على حرف الترابيزه اللى قصاد يحيي علشان تكون قصاده بالظبط وتحدثت حنان بخوف قائله: يحيي أنا لازم أعترفلك بحاجه.....إعتدل يحيي فى جلسته وأنصت لها بإهتمام شديد وواصلت حنان حديثها قائلة: أنا كذبت عليك الظهر لما سألتني مين اللي حرك الزرع من مكانه بس الحقيقه أنا اللى قولت ل حسن إنه يشلها ويحطها في مكان يكون في شمس أنا كنت بحسب إن الزرع المفروض يكون في مكان يكون في شمس ماكنتش أعرف إنه المفروض يكون بعيد عن الشمس أبداً...... وواصلت حديثها بدموع قائله: يحيي أنا معنديش أى فكره عن الزرع والنباتات أنا ماكنش قصدى حاجه أنا فكرت إنك ممكن تكون نستهم علشان كده قولت أخليهم يستمتعو بالشمس