عشق الروح بقلم مريم محمد

البارت الثاني

وقفنا في البارت السابق لما فاتن قالت لحنان أقولك ومتزعليش....تعالو نشوف فاتن قالتلها اية...واية اللى زعل حنان⁦❤️⁩⁦❤️⁩⁦❤️⁩

ردت حنان وهى مبتسمة قائلة:اتفضلى قولى يا ست ماما..كلى أذان صاغية

ردت فاتن بتوتر من رد فعل حنان قائلة:بصى بقى من الأخر كدة أنا كلمت خالك النهاردة وهو عرض عليا إن بعد ما يجى من السفر هيجى يخدنا عندة زيارة كام يوم كدة وممكن يبقو شهر بالكتير وبصراحة بقى أنا وافقت

حنان بضيق وانزعاج شديد:أنا معرفش انتى كلمتية لية أصلا وهو مبيسالش حتى علينا تقدرى تقوليلى أخر مرة كلمك فيهاأمتي أو حتى فكر يسأل عليكى لية يا ماما كدة وبعدين انتى عارفة انى مبحبش أروح عند حد وكمان نسيتى شغلى إزاي هقدر أخد أجازه شهر بحالة

فاتن بهدوء:يا بنتى خالك كويس جدا بس ظروف شغلة صعبة ربنا يكون في عونة وبعدين إذا كان على شغلك انتى
من ساعة ما اشتغلتى أصلا وإنتى مبتخديش اجازات خالص ف أكيد هيبقى عندك رصيد اجازات يكفى إنك تاخدى أجازة شهر انتى بس قدمى على الاجازة وإن شاء الله يوافقو وبعدين مش هنطول عن الشهر ويمكن أقل كمان م تعرفيش الظروف اية أو اية إللي هيحصل بس خالك واحشني ونفسى اشوفة علشان خاطرى يا حنان بلاش تعقدى الموضوع الله يخليكى

وبعد محاولات والدتها علشان توافق رضخت حنان لارضاء والدتها

حنان بقلة حيلة:ماشى يا ماما أمرى إلى الله بس إعملى حسابك مش هنقعد هناك كتير زى ما وعدتني ماشى

فاتن:ربنا يسهل يا بنتى

واثناء ما بيتكلمو الباب خبط ردت حنان قائلة:خليكى انتى يا ماما أنا هفتح الباب أكيد خالتى زهرة

حنان:خالتو زهرة لو مكنتيش جيتى كنت هاجى أجيبك دلوقتي تعالى تعالى ماما جوة هروح أعملك شاي وجايلك على طول

زهرة:ماشى يا بكاشة مستنياكى

(ملحوظة:زهرة دى تبقى جارتهم وعاصرت مع فاتن كل مشاكلها وساهمت معاها في تربية حنان وعلشان كده حنان بتعتبرها خالتها مش جارتهم بس)

وراحت حنان تعمل الشاى وفاتن وزهرة قاعدين في البلكونة يتكلمو

زهرة:ها يا فاتن عملتى اية مع حنان وافقت تروح معاكى عند خالها

فاتن:انتى عارفة حنان اكتر منى هي طبعا رفضت فى الأول وبعد كدة اضطرت توافق علشانى وبعدين أنا خلاص التعب بيزيد عليا وأنا خايفة عليها مش عارفة إزاى هسيبها لوحدها فى الدنيا كدة دى هتنهار لما تعرف انى خلاص أيامى فى الدنيا معدودة دى متعرفش حاجة وماسكة فيا كإنها حاسة إنى هسيبها وأمشى... و ابتدت فاتن تنهار ودموعها نزلة على وشها ومش عارفة توقف دموعها

زهرة بحزن ودموع على صديقتها الوحيدة:قامت زهرة حضنت فاتن وبعدت عنها ببطء ورفعت وشها بإيدها ومسحت دموعها وردت قائلة:إهدى يا فاتن علشان خاطرى يا حبيبتى أنا مبحبش أشوفك كدة وبعدين لو حنان جت دلوقتى وشافتك كدة هتقوليلها اية أرجوكى إتمالكى نفسك شوية علشان خاطر حنان وبعدين بصراحة أنا مش فاهمة وجهة نظرك إنك مش عايزه تعرفيها مرضك لحد دلوقتى مع إنها كدة كدة هتعرف خصوصا لما التعب يزيد عليكى مش هتعرفى تخبى عليها اكتر من كدة