عشق الروح بقلم مريم محمد

البارت الرابع

وقفنا فى البارت السابق لما أشرف طلب ايد حنان لابنة يحيي تعالو نشوف حصل اية... تحدث أشرف قائلا:وهو يطول إن هو يتجوز بنت زى حنان جميلة ومتعلمة ومؤدبة وفوق كل دة بنت عمتة هو هيعوز اية اكتر من كدة.... بس علشان خاطري يا حبيبتي وافقى واعملي العملية وبعد كده نجوزهم ونعملهم فرح كبير

ردت فاتن بحزم:لا مش هينفع إنت اتكلم مع يحيي وأنا هتكلم مع حنان وتجيب المأذون يجوزهم واطمن عليها وبعد كدة أعمل العملية

اتنهد أشرف بنفاذ صبر من عناد اختة وفى الاخر استسلم للى هي عايزاة وتحدث قائلا:طب أنا هبعتلك حنان وهنروح أنا ويحي علشان ميعاد الزيارة إنتهت وهنجيليك من أول النهار وحنان هتبقى معاكى مرافق علشان نشوف هنعمل اية

وبعد ما ودع اختة راح يشوف حنان وهو ماشى يحيي ندة علية قائلا:بابا إنت رايح فين وعملت اية مع عمتى

مسكة أشرف من إيدة وقالة.... تعال معايا بعدين لما نروح هحكيلك على كل حاجة يلا

وبعد أما مشيو راحو عند العربية لقو حنان بتحاول تكسر الإزاز بتاع العربية علشان تخرج فجاءة لقت أشرف ويحيي واقفين عند العربية ويحيي فتح العربية وحنان نزلت منها وبصت ليحيي نظرات امتعاض وغيظ شديد وكانت لسة هتمشي وتروح عند والدتها علشان تتطمن عليها بس خالها مسك ايدها وتحدث قائلا بطريقة مبهمة:حنان أنا أسف

نظرت حنان نظرات استغراب لخالها وسابتهم ومشيت من غير ما تنطق بولا كلمة حتى أشرف نفسة مش عارف هو بيتأسف على تقصيرة إللي فات فى حق اختة وبنتها ولا بيتأسف على اللى جاي كل دة تحت نظرات يحيي المصدوم ومش فاهم أي حاجة فى اى حاجة وركبو هما الاتنين فى العربية لحد ما وصلو للفيلا تحدث أشرف قائلا:يحيي تعال على المكتب عاوزك

يحيي:حاضر يابابا

دخل أشرف المكتب ودخل وراة يحيي وقفل باب المكتب عليهم والصمت عم المكان يحيي قطع الصمت قائلا:خير يابابا فية حاجة حصلت حضرتك من ساعة ما خرجت من المستشفى وشكلك متغير الدكتور قالك حاجة جديدة على عمتى

أشرف بقلق وخوف وحزن ورجاء فى عينة ل يحيي انة يوافقة من غير اعتراض منة وبدأ حديثة قائلا:لو أنا طلبت منك طلب تسمع كلامي.... بصراحة كدة أنا عايزك تتجوز حنان أنا عارف إن ممكن أكون بظلمك بقرارى دة وإن ليك طموحك وإن من حقك تختار شريكة حياتك ومسك ايد يحيى وبكل الترجى اللى فى عينة.... علشان خاطرى يحيي أختى أول مرة تطلب منى طلب فى حياتها وهو إن أجوز بنتها وتتطمن عليها قبل ما تموت ومين عارف يمكن يكون دة خير ليك

يحيي:المشكلة يا بابا إن أنا مش عارف أنا عايز اية مشاعرى متلخبطة محتاج شوية وقت أعيد فية حساباتى وأولوياتى وأعرف أنا عايز اية بس كل اللى أقدر أقولهولك انى مش مهيئ للجواز دلوقتي خالص فكرة الجواز نفسها مش فى حساباتى أصلا وبعدين هي حنان هتوافق أصلا إنت مش شايف بتعاملنا إزاى كإننا اعدائها مش قريبها