Mga Tula Ng Pagmamahal

Pag Laya

-JennyRAL/SlayerJrell_wp
Tila ba nagpupumilit na ikulong ang sarili sa hawla
Sa hawla ng mga alaala.
Nakakulong pa rin sa kahapon 
Kahapon na kung pwede lang ay uulitin at babalikan kong muli ngayon
Hindi magsasawa na balik balikan
Tatanggapin lahat ng sakit sa paulit-ulit na pag sariwa sa nakaraan
Hindi matatakot na masaktan
Kung ikaw naman ang magiging dahilan.
Ngunit marahil ay mali na nga kung hahayaan--
Na maiwan na lang ako sa ating nakaraan.
Ikaw ang dahilan kung bakit nasaktan
at kung ipipilit pa na ikaw ang makabubuo sa pusong na sugatan;
Marahil labis na itong kahangalan
Sapagkat gustuhin ko man ay hindi na ito maaari,
Hayaan mo na ibang tao na ang maging dahilan ng aking pag ngiti.
Makikiusap na huwag ka munang magparamdam
Upang mapawi ang pagdadamdam.
Palalayain ang sarili
Hahayaang ang sakit ay mapawi
at sa aking pagbalik--
marahil naglaho na ang sakit.