Until He Fell

Chapter 15 - Gift

Chapter 15: Gift

"Hala! Birthday ko na sa Sunday." natatawang sambit ko nang maalala ko iyon.

"Oo nga." tumawa din sila Angeline. Napangiwi na lang ako nang hilahing bigla ni Reigne ang mga kaibigan namin maliban sa akin.

"Seriously? Isali niyo ako diyan." nakangusong pumadyak pa ako sa sahig.

Pasulyap-sulyap lang sa akin si Reigne habang kinakausap ang mga kaibigan namin. Aish! Bakit wala akong marinig mula sa kanila?

"Come on! 'Di ko kayo marinig." nakasimangot na ginulo ko ang buhok ko dahil sa pagka-irita. Mga baklang 'to!

Hindi pa din nila ako pinansin at nagpatuloy lamang sila sa paguusap. Umirap na lang ako sa hangin at nakahalukipkip na hinintay ko silang matapos.

"Oh, tapos na kayo?" taas-kilay na tanong ko sakanila nang sa wakas ay naghiwa-hiwalay na sila ng puwesto. Tumatawang nagsitanguan na lamang silang lahat at mapang-asar na ngumiti sa akin.

Pagkatapos naming mag-lunch ay nagulat na lamang ako dahil hindi na kami pinapansin ni Reigne. Kunot-noong tumingin ako sa mga kaibigan ko at nagtanong.

"Anong nangyari kay Reigne?" mabilisang pagtatanong ko sa kanila habang hinahanap ko ang libro ko.

"Ewan ko." maging si Angeline ay umirap na lang at nagbikit-balikat. Gosh!

Sandali akong sumulyap sa puwesto ni Reigne at Nathalie na ngayon ay naguusap na nang masinsinan. Mariing isinara ko na lamang ang aking mga mata at saka bumuntong hininga.

Mabilis namang lumipas ang mga oras at ngayon ay nagsisimula na kaming maghiwa-hiwalay ng silid dahil club day ngayon at kailangan naming pumunta sa kaniya-kaniya naming club bago mag-uwian. Grabe!

"Ayokong mag-club day." natatawang umirap na lang ako.

"Bakit?" napansin ko ang bahagyang pagtawa ni Maye habang nakatingin sa akin.

"Katamad." I chuckled. Bahagya akong natigilan nang makita ko si kuya Jace na nakaupo sa isang bench kasama ang mga kaibigan niya.

"Sus!" tumawa na lang si Maye at sinabayan na ako sa pagpunta sa gymnasium. Doon kasi ang meeting place ng club namin.

"Ang gwapo talaga!" I formed my lips into a thin line while looking at him. Tumatawa siya hahang kausap ang mga kaibigan niya.

"Dito na kayong lahat!" sandali ko pa munang tinitigan si kuya Jace bago ako naglakad patungo sa mga kasamahan namin sa club.

"Wala tayong gagawin ngayon kundi ang..." tumigil muna si ate Johann sa pagsasalita at tumingin kay ate Donna.

"Maglaro!" sabay nilang sambit kaya't napuno ang gymnasium ng tawanan at sigawan. Ang saya nila! Natatawang napailing na lamang ako habang nakatitig sakanila.

"Ahhh!" nanlaki ang mga mata ko kasabay nang aking pagtili dahil nataya ako. Hindi pa ako ready no'n! Natatawang hinabol ko sila hanggang sa mapagod ako katatakbo.

"Ang saya bumalik sa pagkabata." natatawang sinalubong ko si Jayrus. Just like the old days.

Tumatawang tumakbo na ako ulit, ngunit iilan na lamang ang hindi pa natataya kaya napagdesisyunan kong tumakbo sa gilid at doon maghabol.