إمرأةٌ لا تُقهَر

الفصل 21 ( هروب السارقة )

معتز :" رحيق "

رحيق :" نعم "

معتز بهدوء و هو ينظر لعينيها مباشرة :" أنا بحبك "

نزلت الجملة ك صاعقة على رحيق التي تجمدت ملامحها .. لم تتوقع إعترافا كهذا في هذا الوقت .. بل و في هذا المكان !! .. أنقذها من الرد دخول كمال و نهى و زين و سيدرا إلى الغرفة .. تتبعهم سلمى التي كانت بنفس الثوب الذي كانت ترتديه بالأمس .. و يبدو عليها الإرهاق الشديد ..

كمال بابتسامة مرحة :" يلا ياد ع البيت .. كفاية عليك دلع لحد هنا "

ضحك معتز قائلا و هو يعتدل في جلسته :" كده يا جدي .. ماشي ماشي .. بس افتكرها "

ضحكو جميعا باستثناء سلمى و تلك الفتاة المتجمدة الواقفة جوار سرير معتز ... !

رحيق بارتباك شديد و عصبية طفيفة :" عن إذنكو " و خرجت مسرعة وسط نظرات الدهشة التي ألقاها الجميع عليها ؛ عدا ذلك المعتز الذي نظر لها بابتسامة خبيثة ..

و بعد نصف ساعة كان معتز قد عاد إلى القصر و الجميع حوله يبتسمون و يتحدثون بسعادة ..

دقائق و دخلت إيمان قائلة باحترام :" كمال بيه .. عماد بيه وصل "

إبتسم كمال فورا و قال :" إنتي بتستأذني يا إيمان .. دخليه بسرعة "

أومأت مبتسمة و خرجت ليدخل سيف و معه والده ؛ عماد الحديدي ...

________________

أغلقت حور مع مايا و أرسلت لها رسالة بما تريده مع جمل غريبة لن يفهمها إلا أمير .. ثم اتصلت فورا ب مروان الذي فتح الخط من الرنة الأولى ؛

حور بجدية :" عملت إيه ؟ "

مروان :" سالم الأسيوطي خطف مكة أخت مالك "

حور :" و هي مكة دي أد إيه ؟! و مالك فين دلوقتي ؟! "

مروان :" مكة عندها ١٩ سنه .. و مالك أول ما عرف إن سالم خطفها .. راحله على طول .. تقريبا هو بيحبها جدا "

حور :" عنده حد غيرها ؟ "

مروان و قد فهم :" لأ .. والده و والدته إتوفو من زمان و ملوش قرايب .. مكة هيا كل حياته .. هو واطي و كلب فلوس آه ؛ بس الدنيا ف كفه و مكة بالنسبة ل مالك ف كفة تانية "

حور :" تمام .. جهزلي قوّة و حاصرلي المكان اللي سالم فيه دلوقتي .. كلها كام ساعة و هكون هناك .. إبعتلي اللوكيشن "

مروان :" تمام "

حور :" معتز خرج من المستشفى؟ "

مروان :" أيوة يا هانم .. هو دلوقتي ف الفيلا و كله تمام "

حور :" تمام .. إبعتلي اللوكيشن و جهّز الرجالة .. مش عايزة أي غلطة "

مروان :" متقلقيش .. بس ممكن اعرف ناوية على إيه "
حور :" هتعرف ف وقته .. يلا سلام "