نتيجة عشــقي بنآتي

part19

# البارت ال 19
من رواية نتيجة عشقي بناتي
للكاتبة حوراء الوائلي #

___________________________________________________

علمني الوكت اصبر على الراح
واعيش بهل الوقت واتنعم بقهري
وكابر عله الجرح وامسح دموع العين
واجوي النار بيدي وانجوي بجمري
مشيت ويه الحزن من الصغر لليوم
وتحملته رغم طعناتنه لبضهري
وتكول الناس يضحك ابد مامهموم
مايدرون همي مخزن بصدري
الدنيا وياي تمشي مكلوب
تسرك ضحكتي وتتحكم بعمري
خذت مني العزيز وباكت الخلان
وخلتني بهضيمة وحاير بأمري

.
.
.

.
فرقد: غييير اخبل قابل مثل رجلج الأغبر شنو عجبج بي الاملح الاجلح مثل خالو رشيد املح

هزل: ولك ماتوب انت

سمعنه صوت والتفتنه كولنه اله وجان يطلع رشيد

رشيد: ولك فرقد منو هذا الأجلح الأملح هاااا

فرقد: انت خالو

رشيد: لايامتستحي وتحجيها بوجهي يول اخجل اني خالك المفروض متحجي هيج

فرقد: اكول خالو شخبار هاي حبيبتك

رشيد: ياحبيبه ولك سويتني حاب ومنحب الله ياخذك ابو لسان دمشي منا يلا

فرقد: خالو هاي البنيه الي كلما تروح للدوام تبقى انت مثل المخبل لاحكها
حجه فرقد هبج وطفر ورشيد يركض وراه هل فرقد. رغم صغير بس جبير بتفكيرة ومسحيل احد يوصله. طلعت هزل من يمي وبقيت كاعده بمكاني اباوع عله سيدرا واكول ليش هيج يارب ليش انطيتها اب مثل حيدر حتى ميسئل نفسه عنها انقهرت

وبجيت مر اسبوعين اني بيت اهلي كل يوم ابجي واني اتذكره وهو ولاجه ولاسئل معقولة اني مجرد نزوة بحياته بس ليش ياربي والله حبيته وهواية. تمددت واني اتأمل يجي رغم سوايته بيه بس والله احبه مو بيدي شي ماكدر انتزعه من قلبي رغم شكد دعيت عليه بس مو بقلبي لان احبه وماكو واحد ميحب حبيبيه او يفكرله بشي مو زين. الله يهدي
.
.
.
.
جواهر: بعد مارجعنه للبيت عرفت غدير طلعت لبيت اهلها بهل فترة مرت اسبوعين واني وعلي مو كلش نتصادم وبيوم جانت ليل ونيمت الجهاال بغرفتهم وطلعت اشوف علي خاف عنده شي فتت للغرفة وسحبني دفعني عله الحايط ومباشرة حط راسه على راسي:

جواهر: علي شنو هاي شدتسوووي

علي: حسسي ولج حسسي شبيج بس فهميني احبج واريدج ماتحمل اشوفج كدامي بكامل أنوثتج وحلالي وممتقربلج

جواهر: عليي شبيك أصحى عله نفسك تعرف كولش زين ليش تزوجنا لتغشم نفسك

علي: اششش سكتي لتحجين لتحجين بس خليج هيج انفاسج تكفيني بمجرد ماشم عطرج تردلي روحي كافي الله يخليج لتبقين بعيدة عني هيج ارييددج اررريدج