نتيجة عشــقي بنآتي

part 57

البارت ال 57 من الجزء الثاني
روايــة نتيجــة عشقـي بناتـي
للكاتبـــة: حــوراء الوائلـــي

___________________________________________________

علمني الوكت اصبر على الراح
واعيش بهل الوقت واتنعم بقهري
وكابر عله الجرح وامسح دموع العين
واجوي النار بيدي وانجوي بجمري
مشيت ويه الحزن  من الصغر لليوم
وتحملته رغم طعناتنه لبضهري
وتكول الناس يضحك ابد مامهموم
مايدرون همي  مخزن بصدري
الدنيا وياي تمشي مكلوب
تسرك ضحكتي وتتحكم بعمري
خذت مني العزيز وباكت الخلان
وخلتني بهضيمة وحاير بأمري

.
.
.
جواهر :   اصفر وجهي

من الخوفة واني أباوع للي كدامي احس دمي نشف كلت منووو انت كال اششش مكدرت غير اعيط عيطت

بعلو حسي حررراميي حررامييي هو رجع عليه ما أحس اله شي حار أنغرس بداخلي لزمت المكان وهو شفته من أنهزم لزمت بطني ورفعت ايدي شفت دم بيها عيوني غوشت وراسي احسه طبول بي كد الألم مادري شوكت وشلون انسحبت ل ظلام حاوطني وخله الأرض تحتضني

فرح:  جنت راجعه من المدرسة من وقت ساعه ب 11 لاربع ووياي هويدة ورفعت كالن نشرب مي ونروح قبل لنفوت للبيت نزلو شهم وبسام من سياراتهم سلمو علينه وفاتو البيتهم واحنه هم

للبيت وكبل للمطبخ ومن اجينه  استغربت الباب مفتوح رفعت كالت اكيد ماما هنا وجان نطب للمطبخ وننصدم خاله جواهر مددة بالگاع ودمها تارس المكان مادري شصار بية أحس جسمي يرجف من الخوفة ودموعي تنزل على خدي

بقوة رفعت گامت تعيط وتضرب بوجها وتحرك بماما وتكول راحت اميي وتعييط بعلو حسها هويدة طلعت تركض مادري وين رجعت

ووياها شهم وبسام ركضت رفعت لشهم

رفعت:  تخبلت من شفت امي بدمها مددة احس روحي راحت طبيت الها ابوس بيها واعيط راحت امي دمها تارس الگاع واني روحي راحت ابجي محسيت غير شهم يگول شكوو شكووو

ركضتله شهممم امييي امييي فددوووة رااح تروووح ماعنديي غييرررها اميييي تقرب شالها لان مو سمينه انما رشيقه

وطلع وبسام وياه واني وفرح رادت تروح رجعها بسام دفعته وصعدت خلو ماما ورة بالسيارة! واني وفرح وياها نحضن بيها ونبجي رجعت طفلة

رجعت لهذاك اليوم يوم ما ماتت امي وابوي ممهتم وعمامي واحد يشمرني عالثاني حيدر ومحمد اثنينهم ميردوني ابوس بيها واهمس باذنها يووم لتعوفيني محد يريدني بس انتي من حرگة گلبي اشوف امي مبيها نفس ابجي وفرح

وياي تبوس بإيدها اني بس دمها بملابسي وريحته مشفت منها اله كل حب وحنان امي كحلاء ماتت بس امي جواهر عايشه