نتيجة عشــقي بنآتي

part 46

البارت ال 46 من الجزء الثاني
رواية نتيجة عشقي بناتي
للكاتبة: حوراء الوائلي

___________________________________________________

علاقتنا مع الناس كاوراق الشجر
منها من يبقى ويثمر
ومنها من يسقط
ولا يعود. 🎵

الصبر دائماً خلوكم صبورين وأملكم بالله جبير وواثقين من حكمة ربنا خلوا علاقتكم ب ربنا أقوى شي أگعد وأشكي همك ل ربك راح تمر عليك لحضات تگول اني ماعندي حظ ولحضات ثانيه تخليك تگول ربنا ما أنطاني حقي ولا يحبني ولا انطاني جزاء

صبري وراح تگول لازم أنتقم من بعض الأشخاص الي اذوني وأخذ حقي يمكن تمر سنوات وأشهر وأيام وأنت تخطط وتخطط بس تضعف أكثر من قبل ليش وين الخلل الخلل بيك انت لأن خططت تنتقم خلي كولشي للأيام صدك يجي يوم وأنت گاعد

وفرحان وية أحبابك يوصلك خبر أذيه الي أذوك وأنت أصلا ناسي وقتها راح تنقهر لأن هاي حوبتك الي طلعت راح تضوج ليش لأن ضميرك تحرك من صدك لان أنت نسيت أحقاد البشر الي أذوك او تناسيتها بمرور الأيام بس ربك مانسى يأخذلك حقك

أهم شي الصبر ووياه الإيمان ربك مينسى أحد ولا يضيع حق مؤمن اذوه وقتها راح تحس بالندم لأن ضنيت بربك انو مياخذ حقك راح تعيش بعذاب الضمير خلي إيمانك من البدايه قوي يدور الزمان ويصاب كل ظالم بما ظلم وكل شامت بما شمت

.
.
.
.
غدير: ساعه يلا هدئت وشوية كعدت فردوس وعلاجها بدة يخلص واكو ممشتريته ملگيت غير اخذ ذهب سماح ابيع منه هل يكفي للعلاج وبعدين من شغلي ارجعهن شوية شوية ثاني يوم من الصبح گعدت غسلت وسويت ريوگ وبعديت فتت للغرفه

فتحت الخانه وطلعت الذهب و أخذت أصغر أسوار واني بين مترددة وبين لا ذهبي كله بعته بس ذهبها بقيته علمود ليث بعدين تذكرت الفبوس اي اني مخليه فلوس ليث مماخذة منهن رجعت الأسوارة وضميتهن بمكانهن طلعت فلوس ورحت بدلت وريگت البنات لأن كعدن بدلت الهن وطلعنه وهنه يسئلن اخذت سيدرا وزمرد

وفردوس ل رباب تبقيهم يمها لان بالأخير هي عمتهن كلتلها رايحه اجيب علاج فردوس واشتريلهن ملابس ماعدهن وقرطاسيه مدرسة قرطاستهن بدت تخلص

والأمتحانات قريبة كولش سلمت وطلعت أجرت تكسي ذبني بالأسواق وطلع تمشيت بالشوارع واني اشوف الناس وحياتهم ياترى هم عدهم هم مثلي وهم ممرتاحين بحياتهم ويتعذبون شفت مرة تبيع گلايد فضيه وكاعد يمها

مجموعه شباب ترددت اروح وبعدين رحت الها

غدير: السلام عليكم خالة

المرأة: وعليكم السلام هلا يمة

غدير: خاله شكد سعر الگلايد الفضيه

المرأه: الواحد ب ألف

غدير: أريد 10گلايد ونفس التصميم أريدهن بس ألوان الخرزة الجبيرة مختلف