نتيجة عشــقي بنآتي

part26

# البارت ال 26
من رواية نتيجة عشقي بناتي
للكاتبة حوراء الوائلي #

___________________________________________________

شيخ جروحي مات وكلت راح ارتاح…
واحد بعد واحد راح أطلعهن……
شو طلعن عراضه وللصبح جيلات…
واحد مات بيهن هوسن كلهن ( زنبقه الغرام) 

.
.
.
.

.
غدير:  سودة بوجهي ماما بعد ماعوفكم ولايوم. الله لاينطيك ياحيدر كولة بسببك ياحقير وتهاني اني اعلمها فلا اسكتلها

.  بهل اثناء اندكت الباب وراح اوس ديفتحة وسمعنه اصوات صياح وعياط طلعت ماما وحتى سماهر ونبأ اني بقيت بمكاني ليوث گعد بحضني وسيدرا شلتها وقربتها الي

احس شي غريب احساس مرعب هدئت الاصوات واني لساني يلهج بالدعاء جان كل تفكيري محصور بين اجوا يردون ليث وسيدرا حاضنتهم وفاتت ماما

ام اوس:  غدير تعالي ماما وعوفي الجهال هنا

غدير:  فدوة ماما شكو

ام اوس:  تعالي بنتي هنا جواهر وهيام وعلي يردون يشوفوج ومحمد هماتين يلا بنتي اطلعي الهم. زحمة مطلعين

غدير:  هه ماطلع وشتسوين سوي هذول نفسهم الي محد بيهم اعتنى باطفالي لمجرد غبت ليله عنهم هذول الي محد تدخل بيه الى لمن ردت اموت بين ايدين ابنهم هسه جايتني يردون يشوفوني كليلهم خلي يطلعون ماريدهم اريد اطفالي وبس اريد الطلاق ماريد ارجع كافي تعبت بعدني صغيرة خلي اطلق افضلي

ام اوس:  لج ماما عيب علاقل بس سلمي

غدير:  ماريد ماما فدوة طلعي كولي نايمة كولي بالحمام اي حجة طلعيلج ماطلع

جواهر:  لهل درجة گلبج محمل علينه التفتت لمصدر الصوت الي اجه من ورة باب الغرفة الي امي واكفه بي وجانت جواهر وراها هيام

غدير: جواهر وهيام

ايي احنه
هيام:  ردنه ندحگ شخبارج ونطمئن عليج ونوصلج كلام ونروح مدامج لهل درجة بزعانه وماتردين تدحگينه

غدير:  هيام فدوة لگلبج اسكتي يعني غبت يومين بس هيج تعوفين اطفال ماتوقعتج وانتي جواهر هم عفتيهم …… فاتن كعدن اثنينهن وبدت جواهر تحجي

جواهر:  غدير خلصتي كلامج حتى نبرر موقفنه

غدير:  احجي شكو

جواهر:  تنهدت وهيه تحجي وتگول بيوم الي نقلوج للمستشفى دريت لان محمد گال لعلي رحت لبيتكم وشفت الجهال هناك رحتلهم سحبتهم مني رنين

رنين:  انتيي وين ماخذة جهال اخوية هااا

جواهر:  ماخذتهم اعتني بيهم لان امهم مموجودة

رنين : مشكورة عيني مانريد تعبج ويانه احنه نعتني بيهم جهال اخوي انتي مو احن عليهم مني فاهمةةة