نتيجة عشــقي بنآتي

part20

# البارت ال 20
من رواية نتيجة عشقي بناتي
للكاتبة حوراء الوائلي #

___________________________________________________

.افوز عليك بالحب لو يصير عناد
وعلي متفوز صدك لو تموتني
اذا انت تحبني بكد نجوم الليل
احسب بالبحر جم قطرة خبرني
انه احبك بكدهن ويه نهر النيل
كل هذا وتريد النوب تغلبني

.
.
.
وشفت نزار ابن سدير وسعد صافن على بلسم  وهيه عمرها 9

سنوات وهو يباوع عليها بنضره تعجب راح من غير شارع واحنه هم رجعنا ولهناك جان اشوف اخر شخص توقعت اشوفه بيوم او تأملت بي وبرجعته حارث اي والله هو هذا حارث رمت رباب السلام وراحت وعلي كال يلا نروح مشيت وحارث جان

مقابل النه بقيت صافنه وكلشي بداخلي انتفض كلت راح انساه واعيش ويه علي
براحة بس فجأة هيج طلع گبالي فجاة حسيت كلشي بيه رجع مثل اول مرة شفته هنا بهذا الشارع ايي مستحيل انساه هذا الشارع اليي بيوم طلعت من بييت ايلاف

وشفته وهسه هياته ونفس مكانه جان بنفس الهيبة بقيت أباوعله. أتامل شكله الي بدا يبين بي الكبر بس مازاده كبر سنه اله كثرة هيبته خطف نضري يمكن للحضات
ردت اروحله ركض علي ممنتبه لان ديمشي ويحجي ويه هيلين ويحاول يفهم

لهجتها لان عندها لدغه ولهناك وجان اسمع صوته واني أحس كلشي بداخلي بدا يثور اجيت اروح احضنه بكل قوتي ابجي بحضنه ردت اعاتبه لان كل هل فترة وهو بعيد عني ومافكر بقيت اباوعله وعيوني مغورقه مانتبهت الى لمن راح علي وسلم عليه وهذا

الي استغربته وين يعرف علي وشكلة تفاجا بوجودي ويه علي وانصدم لان فتح عيونه وبدة يحجي وكانه واحد محروق قلبه

علي:  هلاا حارث نورت

حارث: بنورك ابو عباس شونك اخبارك

علي:  بخير دام شفتك تفضل ويانه للبيت استراح اكيد جاي من الأنبار وانت تعبان

حارث:  لا يخوي هسه اريد اروح بس اجيت لهنا بشغله

علي. :يمعود دتفضل وعود باليل اطلع للانبار

حارث:  لا ابو عباس ماتقصر بس اريد اروح هم يلا
نسيت شونج ام هيلين شخبارج ( يحجي بقهر وقطع أنفاس)

حسيت علي صنم بمكانه وشون حارث يعرفني يباوعلي بنضره استفسار وقهر واني الي بدا كلبي ينتفض وينفض غبار النسيان ويفتح كل جرح قديم حاولت اخيطة جاوبته بتلعثم

جواهر:  اهلا حارث

علي: جواهر تعرفي يعني

حارث:  وشون ماتعرفني واني عم بناتها اني حارث اخو صالح عم البنات هيوفه وهيوله ( يحجي ومبين عصبي ومقهورر) 

علي:  اها مجنت اعرف منو زوج جواهر الله يرحمه ولاعرف اهله اعذرني

حارث:  يلا يخووووي اترخص