نتيجة عشــقي بنآتي

جووواهرررر

السلام عليكم

اشكر تفاعلكم وحبكم للرواية وصولها لهل مرتبة ودعمكم الي

هاي جانت اول رواية الي وجانت واقعيه

مقبلت أستلم الرواية والسبب هو كاتبة مبتدأئه لكن ملحة البنات خلتني أقبلها

ونشرتها والحمدلله جابت نتيجة

القصه عبرتها واضحه مهما واجهنه صعاب نتحداها ونصير بواقعها أقوة من قبل الصبر مهما كان لازم نصبر

رسالة من جواهر:

واجهت وتعذبت وتدمرت وأنكسرت اكثر من مرة الحب الحقيقي يجينا مرة وحدة ولو نربح لو نخسر واني خسرت هل حب هذا والي هو حارث لكن احياناً ربنا يعوضنا بشخص ياخذ مكانه جبيرة داخل گلوبنا

وهل شخص بالنسبه الي علي حتلو انجبرتي وتزوجتي غصب صيري وفيه لزوجج ولتغدري وكوني كدها خلي اخلاقج وتربيتج قبل حبج وگلبج صيري ام حنونه وحتلو كبرو أطفالج داريهم وحبيهم ودلليهم لانو

يبقون يفتقدونج ويحنون الج حياتي وية علي حياة هادئة هو رجال جبير بالعمر نهائة الخمسينات حالياً واني بداية الخمسين ومتصافين صح يصير عصبي بس اسكت عنه لانو ميتجاوز الرجال لو صار عصبي ابتعدي عنه ولو هدء احتويي وحطي وفهمي خطأ وقتها يتندم ويصيرلج سند اما اذا تحسي مو كدها عوفي وروحي لحال سبيلج

اتحدى وحدة مثلي شكد تعذبت وتغربت وأشتغلت في سبيل أعيش ثلاث بنات برگبتي وحدة الكل ميريدها ليش لان مو بنتي

رفعت الي وين ما اروح يگولون عوفيها زين عفتها يا اهل الغيرة بنيه وين تروح وين تعيش شنو راح تواجه تخيل نفسي بمكانها ومگدرت أصير مغرورة وأنانيه وحطيتها بنص روحي والحمدلله رفعت حالياً حاسبتني مو بس ام انما تاج على راسها كلما تشوفني تحضني وتگول انتي أمي والجنه تحت أقدامج وعباس هذا بحث آخر يومية يمرلي ويشوفني شنو اريد ويكول بس كولي ولو يضوجج علي بحجايه اهد الدنيا فوك راسه

طيبة گلبج هي الي ترفع مكانتج الطيبة مو غباء انما هي نعمة ونقاوة ميمتلكها الكل حالياً داعاني ألتهاب بالمفاصل وهل شي طبيعي تعبت بشبابي وهسه كبرت وطلع بيه كولة بس جهالي معايفيني وويايه دائماً وعلي اخذني احسن دكتور وتحسن وضعي والحمدلله مستورة وميسورة وعلي نعمة الي بهل عمر وقبل سنه اخذني ورحنه حجينه ببيت الله الحرام وصار اسمه حجي علي بس هو يگول الحجي الصاك لو الخمسيني الجاد

اعتذر اذا طولت عليكم بكلامي داتابع الرواية وياكم حلقه حلقه الله يشهد عليه وحيل حبيتكم وحبيت تفاعلكم وانشالله ترتفع أكثر

.
.
.
..

.
.

الكاتبة:
2019 / 5/17

داگلب بالأنستا وضايجة ماكو شي ألتهي بي والدايركت فاااارغ ويمكن ساكني جن واحجي وية نفسي واكول هسه البنات كل وحدم وية صديقاتها ويتراسلن واني مگابلة الكنتور والفون وگاعده فجاة وجان تجي مجموعه رسائل فزيت ممصدكة وركض عالدايركت شفت مدخلاتني بمجموعه (لمة بنات)
كلت همزين اكو واحد ذكرني ودخلني مجموعه طبيت وجان تراسل وحدة بداية يوزرها sh فتت عالمعلومات شفت ولاوحدة اعرفها منهن ردت اطلع منها بسرعه لانو ماعرفهن بس استوقفني راسائل البنيه sh وهي تگول

sh:منوو هاي وليش ضفتوها النا

اختكم اني طبگت فيوزاتي وكلت وشبيها ماعجب اني لو شنو المهم ماطول عليكم جان اجاوب بغضب ودم فاير بس بأحترام

حور: انتن دخلتني ومو من حقج تتجاوزين واصلا اني جنت داريد اطلع من هل مجموعه باااااي

وطلعت بسرعه طبتلي بنيه منهن وبدت تعتذر وخطية جانت جبيرة واسلوبها مرتب عاد متحملت گلبي رهييييف وسامحتها وكلت عادي بقينه نسولف وهل بنيه المحترمة دخلتني بالكروب نفسه وجت اسمها
رفعت وهناك التقيت بهويدة وسيدرا وباقي البنات وبدن يحجن قصتهن بالكامل وبعد شهر قررت انشرها بس صدمني ولد طبلي
للخاص ويعترض عالنشر تعاركنه

وكتله مو من حقك تتجاوز اطلب باحترام اعتذر خطية وكال اسف بس صعبه وكتله عادي مانشر واتفقنه ورة اسبوع كاللي نشري وافق لمااار 😒😑

عاد بديت نشر واستمريت بيها وورة فترة طلع الاخ ميدري وكال ممنوع تذكرين ترتيل وبريق بس راسلتني ترتيل وكالت يحجي وحدة هذا اعصابه تلفانه مهتميت اله لانو احنه مجتمع نسائي وبديت بنشرها

وتصدكون طلعو كلهم يعرفون حسابي 😂😂😂 انستا ومطلعين عليه ولحد هل لحضه مجد وزين ديتابعوو وتحياتي الهم لان بحد هل لحضه ديقرون الرواية

اعتذر عن الاطاله بس هيج التقيت ببطلاتي 😂😂 لقاء عضيم
وبداية جديدة الييي وتحقيق لحلمي 😍😍😍😍😍

انتضروني فيي رواية جديدة

الليله انشر البارت الاول من رواية تراتيل ونوافل الماضيي روووحو هناااك حييل حتعجبكم اني عاجبتني اكثر من هل رواية