نتيجة عشــقي بنآتي

part 29

# البارت ال 29
من رواية نتيجة عشقي بناتي
للكاتبة حوراء الوائلي #

___________________________________________________

تنعشگ _حد العشگ
شگد حلمت بناس غيرك
جان بس حلمك صدگ

من عدنة كل الصار
والكاع يصير
قدرنة ناس هواي
ماتسوه تقدير

.
.
.
.
اليوم شمعه من شموع عمري انشعلت أمل جديد أنولد عندي مولود جديد دخل
حياتي نورها الي بعد ماعتقدت انها خلاص راح تظلم وينتهي كولشي بس ربنه
ارحم بحالنا الحمدلله دائما وابدا

غدير:  لاتنكر سمعتك وانت تحاجيها اني مو غبيه

تهاني:  ايي صح الي سمعتي واصلا مو بس حجي هو خطبها ل هالة من ابوها

غدير: انعگد لساني شنو يعني هاي ثاني مرة راح يرجع يتزوج لا وفوگاها خاطب هم بقيت اباوع بوجها مصدومة اريد شي يبررلي الكلام اريدة يكول لا دتجذب عليج تريد بس تقهرج تمنيت أگدر الزمها وانتف شعرها وامسح بيها الگاع وياسبحان الله

اني تمنيت وهيه سرعان ماتحققت ركضتلها من شعرها واعت بيها وهيه تصرخ
. ماعرف شنو من قوة عندي بحيث حتى حيدر راد يوخرني مگدر عاطت حيل لطمتها

على حلگها وشعرها بدة يجي خصل بإيدي آخر شي بقى حيدر يسحبني بقوة لزمتها ضربت راسها بالحايط ووخرني بسرعه لان طك راسها دم اني احس مايي

. باردد ونزل على گلبي اخخ يابة والله لو عايفيني اله اموتها طلعت من الغرفة وعدلت شعري الي هم مثلت هيه بي يعني اني هم انسحلت بس علاقل شفيت

غليلي بيها غسلت وجهي واني حسيت نار وطلعت منه طلعت الحقيرة مخرمشة وجهي رحت للمراية وقربت وجهي زين مخدش كولة بس الحمدلله خدوش بسيطة

مو جروح عميقه مشطت شعري واني انزل بانواع السب على تهاني وشمسويه بي اثاري اني من الفرحة محسيت بيها من مسويتني فلم يايابه والله لو ارجع عليج خررب بالحظ المشكلة هيه شطولها واني من ال 161_165 وهاي ثور اطول

مني واضخم مني بدلت ملابسي وركضت للجهال وجبتهم يمي بالغرفة خاف تأذيهم الخبيثه البرا شكلها مناوية على خير ومتعديها الي سلامات كعدت ابدل للجهال والوم بنفسي واحجي وية نفسي هسه شورطتج الله اعلم شراح تسويلج استغفرالله

ياغدير تدورين المشاكل دوارة بدلت للجهال وبدلت ملابسي وخليت غراضنه بجنطة وحلفت بأمنه العذراء مابقى هنا طلعت من الغرفة شايله سيدرا وليث لازم ملابسي لان جنطة بايدي صار حيدر بوجهي

حيدر:  ولج صخمانه وييين موووليه

غدير:  وانت شعلييك هاا مو تريد تتزوج لعد خلي اروح منك وتزوج الي تريدها علمود تأخذ راحتك

حيدر:  غدبر فوتي افهمج ماكو شي ينحل بالعياط والغلط دفوتي وتكفي الشر وخلي نحجي وافهمج ترا مفهمتي السالفه