نتيجة عشــقي بنآتي

الموقف الأول من الجزء الثاني

روايه نتيجه عشقــي بناتي

للكاتبة حوراء الوائلي: موقف

_____________________________________________________

بلايه لونك خربت رسومي التودها ~'
بلاية لونك كل بساتين المدن ذابل وردها ♪♠
.
.
.

ساعه ب 10 باليل گاعده وحدي بالغرفة واني اباوع لانحاء الغرفه البيت فارغ حاليا عمتي اقاربها من بعيد توفه بالديوانيه وراحت اله وعمي وياها وباجر يرجعون علا

.
نايمة بغرفتها بالبيت بالطابق الثاني ولو يحترگ البيت ماتحس نومها ثگيل و وليد

طالع ويه جماعته أباوع لأنحاء غرفتي بتمعن ودموعي تنزل بهدوء على خدي اااخ يا

نار الفراق شسويتي بيه حرگتيني ودمرتي كلشي حلو بداخلي يا اللهي انت ارحم.
بحالي أباوع لأطفالي الأثنين نايمين كل عمرهم 40 يوم وماشافو ابوهم ولاشمهم

ولا باسهم ولايدري أصلا عندة اطفال دموعي ماوكفن ليليه يتكرر هل موقف وليليه أنقهر أكثر وأكثر وأشتاق اكثر اله احبه أكثر من روحي عشت وياه ب 7 أشهر ثلاثه خطوبة و 4 زواج شكد منعته بس ماكو. مقبل يبقى ياربي شنو هل بلاء العرااق.

وناسه هووايه تعذبوا اي تعذبنه اني وحدة من هل ناس حب 5 سنوات وتالي راح

من إيدي لحد هل لحضه أتذكره من طلع وباس راسي وهو يگول أحبج ولآخر نفس واذا صار وأستشهدت انتي حامل بتؤام حبيبي اذا ولد سميهم حرب وجهاد لان احنه

هل فترة بالحرب والجهاد واني بالحشد هسه والأعمار بيد الله شهگت وحطيت ايدي على حلگة واني أگول بعيد الشر حبيبي قاطعني

وهو يكول هذا واقع دموعي نزلن بهدوء على خدي وهو مسحهن باس راسي وهو يگول قبل لايطلع ويودعني

واذا بنات سميهن زينب و زهراء باس راسي وطلع واني كعدت بالگاع ابجي كومتني عمتي وهيه تكول يرجع لاتخافين هاي مو اول مرة يروح فتت للبيت وورة يومين

گالولي اني وعمتي اجه طلعنه نرگض نستقبلنه ونصدمنه من جماعته وهم يكولون استشهد معقولة حب 5 سنوات وانتضار وقهر وتعب وكسرة وخذلان هاي تاليها

رجعت من تفكيري على صوت واحد طفر للبيت گلت معقولة وليد بس وليد عندة المفتاح خوف تملكني وگلبي ينبض ويريد يطلع من مكانه ركضت شلت حرب وجهاد

واني اكول ياربي احميني علا بالطابق الفوك وغرفتها مقفولة واصلا ممبينه غرفه لان ملونتها بالوان الحايط ركضت لباب غرفتي متأكدة مقفول بس رجعت اتأكد اكثر رحت خليت ميز التلفزيون وراه والي شايله من التلفزيون گلت لا خاف يصير شي

وخرت الميز وركضت حضنت اطفالي وأقرة ايات قرانيه وادعي ربي يحميني وابجي تحركت يدة الباب جمدت من الخوف حاول يفتح وماكو بجيت بقوة وادعي ربي يحمي اطفالي يا الله لو هو موجود مجان خفت جان اخذني لحضنه وشال كل الخوف عني