البارت ال 76 من الجزء الثاني
روايــة نتيجــة عشقـي بناتـي
بقلـم الكاتـبه: حـوراء الوائلـي
___________________________________________________
" خل #اسولفلك تعال..
براس #اذاني شگد داگه #حجاياتنه....
احنه #عشرتنه مثل #خبزه_ويتيم....
يعني بس #الله يطب #بيناتنه.......
#شصار؟..
#ليش؟..
#شلون؟..
#معقوله!!..
#محال...
ما اصدك #تختلف_نياتنه.....
ذني: #راحن....
ذني: #طاحن....
ذني: #هيج....
خلي #نحسبهن عدل #حسراتنه....
واكفه بنص #عيني ذيج #الذكريات....
#وجدمي واكف يم اثر #خطواتنه....
احنه #واحد كلمه صارلهه #سنين....
منين #طلعت كلمه #اثنيناتنه.. "
.
.
.
.
هيفين: وثاني يوم من الصبح فاتت ماما تبجي وتعيط علينه مدري منو كايل الها طلعنه نركض ووراها خاالو رائد بالباب شفناه ركضنه لحضنها نبجي حضنتها وتباوع بالوجوه خاف وحدة صايرلها شي تخبلت وبس تبجي
جواهر: (أستعادة الأحداث قبل الحريق)
جواهر: جنت كاعده اباوع على البنات يدرسن بصفي كولهن مجمعات عليه دك التلفون شلته وحاجاني
رائد اخوية وكال امي تعبانه وزوجتي عندها ولادة تعالي اني ماكدر اجيج مكذبت خبر ثاني يوم مجهزة نفسي ودعت بناتي وگلبي ناغزني عليهن يباوعن عليه ويضحكن وصلني شهم للمطار وراح
طارت طيارتي وصلت مطار اربيل استقبلني رائد سلمت عليه واخذني للبيت شفت امي تعبانه حيل گوة تحجي حتى بقيت يومين
يمهن وأسماء زوجة رائد خطية تعبانه من الولاده صارت عندها ولد ثاني رائد وياها خطوة بخطوة حتلو رادت للحمام ويعوفها يرجع لأمي يشيلها يحطها بالكرسي المتحرك ويطلع للطارمة
بيها تعبان عليهن خطية ابوية هم رجال جبير يادوب يعين نفسه هم وشلته عن رائد بوجودي وياهم توسلت بي يرجعون لبغداد
بس مقبل وكال شغلي هنا احسلي رائد دخل دورات من اول ما وصل لاربيل بسنه ال 2001 كليه ضباط بالبدايه وبعدها استمر بالعمل المتواصل والتدريب وبدت عندة الترقيات وحاليا هو برتبه عقيد بالاقوات الامنية العراقية ضمن محافظه أربيل إحدى مدن كردستان العراق
بلليله راس السنه مسوين احتفاليه بسيطة بمناسبه دخول سنه جديدة علينه ونتشاركها وية أخوانة المسيح اختنگت ماعرف ليش وضايجة الليله كلها حتى رائد لاحظ بدة يسئلني
رائد: شكو شبيج ليش وجهج أصفر
جواهر: گلبي ناغزني وبناتي وحدهن
رائد: ماكو شي انشالله خير
جواهر: ماعرف رائد عندي غريزة الأمومة أبد متخطأ أحسن بضناي بيهن شي بناتي والله بيهن شي
أنت تقرأ
نتيجة عشــقي بنآتي
عاطفيةفتاة في ال 16 عشر من عمرها تتزوج لتلد ثلاث بنات ماذا سيحصل لها لنعيش معها في قصتها احدى الفتيات العراقيات تاخذ فيما بعد قصتنا منحدر آخر إلا وهو قصص حب بها انتهت بالزواج وبها انتهت بسبب مايسمى بتنضيم داعش شباب وبنات يعيشون قصص حب داخل قصه واحدة (قصه...
