نتيجة عشــقي بنآتي

part 73

.
البارت ال 73 من الجزء الثاني
روايــة نتيجــة عشقـي بناتـي
بقلـم الكاتبـة: حـوراء الوائلـي

(بارت طوويل لعيونكم) 
___________________________________________________

" تستاهلني
بس بعديش..؟

لا مرخوصلي أشتم بيك
گدام الخلگ كلها
وأگلهم حضنك أفيشي

ولا عشگي غلط .. وأنساك
وأحسبنك ضـمـن طـيـشي..

.
.
.
رفعت: جو توتري هذا كل الي أگدر اوصفه صرت أحارب نفسي بنفسي ممتوقعه بيوم راح نواجه رفض ومشاحنات وراح نواجه صعوبات هذا الي جنت ممحسبة حسابه عمامي

رفضو شهم او بالأحرى خوالي هم لان اخوان امي وولد عم أبوية الي ديصير أكبر من طاقتي ماتحمل كل هل شي

گعدت بغرفتي وايديه على وجهي وأبجي معقولة هيج يصير وبعد مننجمع صرت ابجي وتهسترت بجي هم تعباانه واريد شهمم بين دموعي الي تنزل انعادت ذكريات طفولتي بعقلي من أول مرة شفته جنت دالعب وية هويدة

ووية حوراء بنت خاله علياء هم جنه صغار ومالين الحي بضحكاتنه ولعبنه هادئه جنت ولزمت بيدي الحبل دالعب واكمز عليه عمري ست سنوات وبعد اشهر يبدي دوام المدارس ومن

أول كمزة وجان تجي طابوكة براسي واني عطت وفرت روحي جنت جبانه والتفتت اشوف منو لگيته يباوعلي وعاگد حواجبة ويخوزر

اخو بسام عاط وكلة راح تكول لأهلها ويضربك فارس سمعته هيج واني اصلا ماعرفه گمت ابجي تقرب مني وسكتني بس عود شون تسكيته جر اذني وگال من تگولين شهم ضربني طابوكة اكسر

راسج واضربج واشمرج للجلاب تاكل لحمج ويلا ولي لبيتكم لا أضربج ولزم شعري وكفشه وركضت لماما جواهر اشتكيلها وهي راحت لبيتهم وبدة كولشي ينعاد شون جان حتلو عندة بس ربع يشتري جبس ويگعدني يمة

وناكل يضرب الي يكلولي روحي واذا بجيت وسمعو اجه كلها تتطافر جان اكبر الشله ويجمعهم ويلعبون وأمير وراه الگاع تصيح الغوث منهم ياريت لو ترجع هذيج الأيام يا شهم كبرنه

وكبرت مصايبنه وصارت عثرات بطريقنه هوواية وألم وحسرة ومعاناة هيج صارت حياتي عبارة عن عثرات منا علي ومنا شهم وخوالي

واخوية الي اخذ گلبي وهدم روحي بيوم ماسمعت صوته وهو يتوعد ااااخ يادنيا شنو تسوين بعد بينه بين تفكيري ودموعي الي زادت رجعت ذكرياتي الي وكانو متقبل تعوفني بحالي نمت ودمعتي بعيني صارت تمر أيام وتجي أيام ونفس وضعي اني اني ماتغيرت بس الي زاد الطين بلة

هو استاذ جاسم الي كل فترة ويكول اريد اتواصل وية فرح قطعنه اني وهويدة أمله وگلنه انخطبت اطرينه نجذب عليه رجعت للبيت