نتيجة عشــقي بنآتي

part 90 ((2)) قسم

القسم الثاني من الحلقه الأخيرة
روايــة نتيجــة عشقـي بناتـي
بقلـم الكاتبـة: حـوراء الوائلـي

بارت طويل لعيونكم
___________________________________________________

انطيني وعد للموت ♦
روحي بروحك تشدني ∞
كلي راح اضل وياك ♥
بس الموت يبعدني ♪
واحلفلي بشرف الجروح ~
ما تنساني اوعدني .....
لو بجوني كل الناس ..
اريدك انت تسعدني★
.
.
.
.
.

آدم: فردوسه ليث اشتره بيت يخبل وراح يخطب ويتزوج اكو بنيه وياه بالكلية كال لماما عليهاا واجتي ماما مفتحت

الموضوع وياها وتهربت وسديته ونطيت بجي يعني خسرته وراح يتزوج معقوولة گعدت بالغرفة دمعتي بعيني هيج بهل سرعه

مصار غير ثلاث اشهر من اجيت لهناا هيج هنت عليك ليث غمضت عيني ورجعت راسي عالسرير واني أتذكر لمساته الي وكولشي

بي يشدني نحوه أناقه شخصيه رغم عمره بدايته لكن يبين اكبر بهواية مميزاته حلوة ومختلفه والأهم احبه وكفت غسلت

وجهي وحاولت امسح كولشي من ذاكرتي أحتمال ادم ديجذب لا لحضه ليش يجذب اصلاً آدم طفل صريح هواية وميجذب شفاف بجيت واني بالحمام

بس رجعت اخذت نفس ابد لتنكسرين صيري قوية خلي يروح صح صعبه بس اهم شي كرامتي خلي يسوي الي يعجبه طلعت من الحمام انفتحت
باب الشقه وطب بابا يمشي بصعوبة

فردوس: هلوو بابا

حيدر: هلا بنتي بس مي وعلاجي بسرعه

فردوس: صار گعد وركضت جبتله علاجه وانطيته مي لزم مفاصله ودنگ راسه اباوع عليه بعده بابا مو كولش جبير يعني عمره زين بس ليش هيج يتعب كلت اسئله
بابا بعدك صغير مو جبير ليش دائماً مريض

حيدر: النخاع الشوكي عندي متأذي بابا بسبب حادث صارلي وهسه انشالله اصير زين على العلاج

فردوس: انشالله

وگف راد يروح لغرفته ووگع ركضت سندته ومشيته لغرفته طببته نام وغطيته وطلعت واني مدمعه هسه شنو جان صار لو اني مجايه

مو خطية ميگدر يمشي ليش هيج ليث يتصرف بجيت خطية بابا والله واني ماگدر احقد عليه مهما سوة لماما الشقه نضيفه

والأكل بعد وقت للعشه طبيت لغرفتي وبقيت أگلب بالفون اجتي ببالي افتح حساب انستا جديد واروح لحساب ليث واشوفه فتحت بسرعه

ورحت بحثت عن صفحته ولكيتها بقيت أگلب بصورة هادئة ومرتبه ودائما مبتسم وشعره مبعثر لو مرتب صفنت بي لساعات

فكرت أراسله بس تراجعت وعفته طفيت فوني ورحت سويت عشه وگلت لازم باجر اسئل سيدرا لو آدم ابو لسان
.