نتيجة عشــقي بنآتي

part 59

البارت ال 59 من الجزء الثاني
روايــة نتيجــة عشقـي بناتـي
للكاتبـــة: حـــوراء الوائلـــي

_____________________________________________________

.

هو لو يسوى الشعر أكتب عليه
بس ميسوى و راح اعوفة لحالة
روحوا گولولة الگبل زامطت بي
طلع خيخة و مو سبع و سحالة
بعد لا يسلم ولا يرفع اديه
ولا يظن راح انسى حچية الگالة
هو باع و عمري ما راح اشتريه
خلي ينسى ولا يحطني ببالة 👌😌

.
.
.
.
.
بلسم: بنفس اليوم وتوي كملنة غده وهويدة نامت من التعب وزين هم ونائل غط بسابع نومة اندگت الباب طلعت أفتحها

وانصدم بالي واگف كدامي 5 أشهر و عشرة ايام تماماً مررت هسه يلاا شفته واكف بلحيته العاليه وضعفان باوع عليه وگال

نزار: بلسم وابتسم

بلسم: أحس وگف الهوى ومدايدخل لرئتي شفته وأخيرا شكم ليله نمت واني ارسم صورته بمخيلتي شكم ليله نمت واني أتحسر عليه يباوعلي يبتسم أخذ گلبي بضحكتة ردت أشمر نفسي بحضنه وأعاتبه لان

مأجة وشافني بس عقلي صحاني بآخر لحضه باوعت عليه واني اتذكر شلون غدرني كدامهم ويعيط عليه رغم مغلطانه شلون كل هل فترة ماجة وسئل شلون دار ظهرة وراح باعني برخص وبسعر ميسوة مادري

شلون عيوني صارت حاقدة عليه حطيت عيني بعينه بقوة ردت أسيطر واعدل نضرتي بس حقد بداخلي تجاهة صار
شتررريد

نزار: بتفاجأ هذا أتسقبال بالله بشرفج

بلسم: شنو تريدني اخذك بالأحضان

نزار: شبيج بلسم فوتي خلي نحجي خوما نحجي بالباب

بلسم: مدري شلون نطقت وكلت اعذرني ابوية موصيني مافوت غربة للبيت انصدم ويباوع بأستغراب عليه سديت الباب وفتت وايدي على گلبي ليش ليش اجة شنو شيريد مكافي عافني بسهولة

وبدون ميكلف نفسه ويبررلي لو يجي ويعتذر يمكن لو معتذر والله جان سامحته صرت كوة اجر النفس ضاق صدري دموعي لا إيراديا تنزل طلعت هويدة تفرك بعينها شافتني وكمزت

هويدة: عزززة بلسم شبييج لتخوفيني شبييج احجي

بلسم: بس اشهك ماكدر انطق كلمة ألم بروحي بسبب تصرفه وياي وعافنيي هسه يلا رجع حبيته من گلبي لو رايد روحي جان انطيتها اله احب كل مسامة بي وهسه يلا هسه يلا رررجع

هويدة : اسم الرحمن بلسم فدووة شبيج

بلسم: رررجع رررجع واااجة هنناا

هويدة: بس كالت رجع عرفته نزار حضنتها وهي تشهگ كومتها فوتتها للغرفة جبت بطل مي غسلت وجهها سودة عليه بلسم نومتها على رجلي وغفت وهي تشهگ شدعي عليك نزار هلكد