نتيجة عشــقي بنآتي

جزء من بارت

هذا جزء من بارت رح انشره فيمابعد حبيت اقطع توقعاتكم
الي خوفتني بخصوص السحر الاسود والارواح 😂😂
لان صدك خفت مع العلم اني مطلعه عله هل امور
.
.
.

.
عند العلوية وبالغرفه الي شبه مضلمة كاعد غدير وامها وجواهر وامها

العلوية:  والله ماعرف شكلج ام اوس ( ام غدير)  بس بنتج مسوالها عمل

ام اوس:  اسم الله علوية ممعقولة بنتي ممأذيه احد حتى يسوولها وبعدين منوو اله مصلحة

العلوية:  مو بس بنتج حتى جواهر هم ومكتوب بالاسم ومن خلال القماش الملفوف الي جبتنه امس تاكدت 

ام رائد ( ام جواهر)  : بس علوية منوو اله مصلحة وبعدين ممعقولة هنه طيبات والله وماعدهن شي ومؤمنات

العلوية:  المهم مو منو عندة مصلحة المهم هسه يحمدن ربهن ويشكرنه لو وحدة غيرهن جان ماتت وهذا العمل سحر مقابر والاغلبيه تموت بي بس لان لكيتنه وجبتنه وفتحته وية الشيخ حامد وشيخ اسماعيل كدرنه ننقذهن لان هوواية اشخاص ماتو بهذا السحر وهسه يم رائد وام اوس بناتجن عليهن العين حصننهن عند اهل البيت علاجهن مو يمي ولا يم سيد ولا شيخ لان سحر المقابر ينفك بس مؤقت احتمال مايطولن شهر لو فترة وترجعلهن بالسحر والعياذ بالله

او اوس:  وهسه شنسوي حبيبة فدوة لكلبج

ام رائد : علوية الله يحفضج ويقويج بس بناتنه وين ناخذهن هاج دتشوفين حالهن وشلون عبالك عجايز بالخمسين لا اكل ولا شرب ولايدرن بجهالهن وين والليل ماكو نوم والله شاهد بنتي تغفه وتكعد تصرخ تكول رح تخنكني فهميني شنو نسوي

.

العلوية:  ام اوس اسئلج سؤال

ام اوس:  سئلي

العلوية: بنت هم متقربة للسحر الي سوو الها لو لامستها

ام اوس:  ايي فاتت من نصها لان عبالها مرة عادية

ام رائد:  وحتى بنتي متقربة منها احجي علوية شكو شو وجهج انكلب لونه

بقت العلوية تقرة ايات وادعيه وكانها تبعد الجن من المكان حجت بصوت يقشعر البدن

دادة اخذن بناتجن وروحن مني فدوة بناتجن ممالك الجن تفتر عليهن بناتجن مسهن عالم الجن اني اخاف. فدوة لكلبجن اخذنهن وروحن مني اخاف عله عائلتي توكلن منا

طلعن الامهات وهنه يسندن بناتهن بعد ما بين بييهن الكبر وكانو عمرهن ب خمسين سنه او اكثر وشكلهن الي يبجي الصخر. رجعن بعد ماعرفن منو ااي سوه السحر

شخص من المستحيل توقعه معقولة تهاني ورنين بس ليش
وهنه صديقات البنات معقووولة

خيبة خذلان كسر خوف رعب قهر حزن ألم معاناه غدر من اقرب صديقه
تهاني ورنين 😭😭
.
.
.
.
.
.
فقط هذا البارت بي الرعب والبارت السابق اما باقي القصه لايوجد رعب بالعكس حتتونسون 😉😉😂😂

حوراء الوائلي

سوو تاكات الاصدقائكم يقرون القصه وصوتو بالييز