نتيجة عشــقي بنآتي

part 45

البارت ال 45 الجزء الثاني
من رواية نتيجة عشقي بناتي
للكاتبة حوراء الوائلي

___________________________________________________

شايف من تضل وحدك ب تالي الليل **
تكتب والرسايل دمعك تنزله……
من تبجي وتضل تسئل. ب روحك ليش**
ومن تكول سهلة وهيه مو سهلة ……

.
.
.
.
غدير:  بجيت من القهر وهذا صار شي عادي شي يحرگ بگلبي ويموتني غفيت وبيه رجفه

وقهر گعدت الصبح اباوع دم على ايدي فتحت عيني وووضحت عندي الصوورة دم على ايدي رفعت راسي اشوف منو وشفت بنتي كلها دم عطت وأگلب ب فردوس  شو حلگها يصب دم خفت حتى ألزمها خاف الي ببالي صحيح ركضت غسلت وجهي ولفيت حجابي وشلتها وطلعت أركض من حلات روحي بدون نعل حتى دگيت الباب بقوة على إيلاف طلع مهيمن زوجها

مهيمن:  هلا ام سيدرا

غدير:  فدووة الحكلي ابو امير بنتي بنتي مدري شبيها شافها مدماية ركض للبيت وكال صعدي بالسيارة طلع امير يركض وإيلاف وراه صعدنه وتذكرت البنات وحدهن

بناتي ايلاف مروتج بناتي وحدهن بقن بالبيت نايمات ميدرن حتى بطلعتي

ايلاف:  لتخافين هسه ادز هشام لو سلام لاي وحدة من البنات يبقن يمهم
ولك هشام تعال ماما

هشام:  هاا ماما

ايلاف:  روح بيت وحدة من خالاتك وكولها تروح يم زمرد  وسيدرا وحدهن بالبيت امشي بسرررعه

ركض هشام وشغل مهيمن السيارة وطلعنه للمستشفى طول الطريق أباوع عليها دمها ريحته بيه بجيت واني اشد بحضنها وگلبي أحسه يريد يطلع من صدري كد القهر وصلنه واخذوها بالسدية واني اركض وراهم ولزمتني ايلاف حضنتها وابجي واحجي بقهرر وحرگة

بس اريد اعرف ربج شمسوووية عندة وهيج ديصير بيه ولج ولا وحدة من بناتي بخير شنو من مصايب دتوگع على راسيي وحدة أعتدوا عليها وهيه بعمر صغير وتعقدت من الي صااار ووحدة بيها كانسر وهسه هاي شننوو من حض عندي ابجي بقهرر

وإيلاف وياي حاضنتني يا رب نجيها بنتي وقطعه من روحي من عمري ل عمرها يا ربي يا أمنا العذراء دخيلج يا امنا ارحميني موو گلبي طگ يااا مريم احميني انتي أمنا انطيني حل گلبي متلوع لبناتي وقهري عليهن تأخرت وية الدكاترة انحطت ايد

على جتفي التفتت شفتها هديل تبجي وتهدي بيه واني ازيد وين حضي وين ليش ببناتي القهر والضيم مكافي اني متعلعله حضي السيئ انتقل ألهن

هديل:  كاافي خلص گلبج صيري قوويية أنتي أمهن بناتج محتاجاتج لتخليهن يشوفن ضعفج غدير

غدير:  يااا ضعف هذاا شتحجين ولكم بناااتي بناااااتي وضيم گلبي منااا ليث هذا مادري بييي وين مييت لو عايش مادري گلبي متلووع ل شوفته وناري بصدري سندي وسند خواته وماكو ماعرف وينه ومنا سيدرا مادري يا ضاااالم أعتدة عليها